陳福記 (已結業)

今日放飯上去第六層嘅陳福記食麵，員工套餐有幾個選擇，叫咗排骨拉同凍咖啡，39蚊一餐算係咁上下，加餃子10蚊，個餐嚟到碗麵有三件排骨、三件豬肚同一條菜心，湯底係肉骨茶湯，都有啲藥材味，不過冇味精就打死都唔信，排骨两件淋一件硬，豬肚又淋又入味，倏菜真係唔掂起哂渣，麵身現拉現煮OK冇問題，不過晚上七八點後會唔同，啲麵拉定略為煮熟，接單後再煮一次，又淋又易散。凍啡佢唔係專科唔講，10蚊三隻嘅煎餃子真係失敗！又凍又硬唔通員工餐就係咁？真係有好大嘅改善空間。