影片
更多
2019-11-25
70 浏览
最近好 消息多羅羅， 一於就同好姊妹以一餐具質素的日本料理慶祝一番， 但求食得盡興開懷。米芝蓮推介日式餐廳玄鮨， 一早就知其刺身、壽司 質素不容置疑， 而且服務又好， 所以上周末就決定來這裡吃餐午餐。大廈本身就樓底高，餐廳裝修就更顯得高雅。 餐廳一邊有兩檯壽司吧檯， 可以坐喺巴枱前面睇住師傅直接做菜，欣賞師傅嘅手勢， 另外一邊闢為散座及兩個貴賓廂房， 地方非常之大，感覺闊落有空間感。同朋友嚟叫咗兩個餐， 一個係Sashimi lunch, 而另一係Deluxe Chirashi。 日本菜一向以 精緻見稱 ， 淨係見前菜用嗰隻碗仔已經夠曬和風味 。前菜係味噌鮮魷魚， 魷魚爽口彈牙， 加埋淡淡的味噌味， 味道變得有層次，為今餐開咗一個美妙嘅開頭。 之後有茶碗蒸， 日本雞蛋果然係零舍蛋香味濃， 而且蒸得無過火， 蒸蛋口感嫩滑， 配埋入面不同嘅材料，例如白果、魚片、 菇菌以及雞肉， 為嫩滑嘅雞蛋配上 多重味道。 麵豉湯 呷一口， 麵豉味道濃重不濁， 內裏加埋不少腐皮與及蔥花， 簡單而不平凡。 南瓜煮鯰魚 一上枱見到賣相覺得勁 精緻 ，以鯰魚淆製的南瓜， 入口有份鮮魚味， 食到鯰魚嘅魚油
最近好 消息多羅羅， 一於就同好姊妹以一餐具質素的日本料理慶祝一番， 但求食得盡興開懷。米芝蓮推介日式餐廳玄鮨， 一早就知其刺身、壽司 質素不容置疑， 而且服務又好， 所以上周末就決定來這裡吃餐午餐。
大廈本身就樓底高，餐廳裝修就更顯得高雅。 餐廳一邊有兩檯壽司吧檯， 可以坐喺巴枱前面睇住師傅直接做菜，欣賞師傅嘅手勢， 另外一邊闢為散座及兩個貴賓廂房， 地方非常之大，感覺闊落有空間感。
同朋友嚟叫咗兩個餐， 一個係Sashimi lunch, 而另一係Deluxe Chirashi。
日本菜一向以 精緻見稱 ， 淨係見前菜用嗰隻碗仔已經夠曬和風味 。前菜係味噌鮮魷魚， 魷魚爽口彈牙， 加埋淡淡的味噌味， 味道變得有層次，為今餐開咗一個美妙嘅開頭。
之後有茶碗蒸， 日本雞蛋果然係零舍蛋香味濃， 而且蒸得無過火， 蒸蛋口感嫩滑， 配埋入面不同嘅材料，例如白果、魚片、 菇菌以及雞肉， 為嫩滑嘅雞蛋配上 多重味道。
麵豉湯
呷一口， 麵豉味道濃重不濁， 內裏加埋不少腐皮與及蔥花， 簡單而不平凡。
南瓜煮鯰魚
一上枱見到賣相覺得勁 精緻 ，以鯰魚淆製的南瓜， 入口有份鮮魚味， 食到鯰魚嘅魚油潤金香， 個湯毫無油膩感， 係一份好有誠意的熱食。
Sashimi Lunch
到主菜上檯了, 刺身有勁多款: 拖羅, 青瓜魷魚, 深海池魚，立魚 金目鯛, 赤貝, 鰹魚等， 十幾款刺身鋪滿整個碟面， 再加埋酸薑片以及鮮磨山葵， 一整個強勢同埋澎湃。
要逐件刺身寫都唔係易事， 但刺身新鮮鮮甜就係冇花冇假。 睇下拖羅雪花花紋及顏色紅潤就知質素零舍高， 入口即溶。 其他魚鮮亦都十分鮮甜， 秋刀魚肉質厚實喺秋天食一流， 金目鯛肉質呈微粉紅色魚味鮮甜， 粒貝爽口清甜。
Deluxe Chirashi
另外一個主菜 Deluxe Chirashi， 數十款刺身完完整整圍住飯碗鋪滿一個圈， 同樣都係勁澎湃， 齋睇已經滿足咗視覺的享受。 三文魚子精瑩通透， 粒粒飽滿， 一咬開就好似海水嘅鹹鮮味，澎湃地一湧而出。 海膽成橙黃色入口軟綿綿密，鮮甜豐腴。 油甘魚好有魚鮮味魚味相對濃， 吞拿魚腩較為油潤， 質感細嫩， 入口嗰陣魚油味至今仍 歷歷在目。
除咗有 活魚刺身之外， 仲有 餐廳自家製作的炆冬菇與及日本魚片， 冬菇厚肉入味， 魚片彈牙， 多多少少重拾喺札幌食海鮮丼嘅感覺。
更不得不提的是日本米飯飯粒煙韌，口感極佳，飯底更有醬油漬嘅冬菇粒， 睇得出勁有心思。
飯後可以揀咖啡或者甜品， 我同朋友都揀咗 雜莓雪葩， 雜莓雪葩雜莓味濃郁， 清新香甜， 而這一球小小的雪葩作結， 實在是好得無比。
話說埋單時店員話加一前滿800蚊用非現金交易就即刻全單減300，
計完差唔多有65折， 食物高質素坐得又舒服， 而且店員服務亦都十分之好不斷地加水加茶，呢個價錢實在抵食。
张贴
