發記甜品 (已結業)

同朋友黎左呢度食糖水，朋友A次次必叫榴槤飄香．佢話一食就上癮．碗糖水一黎到果陣真係好大陣榴槤味!朋友B叫左哈蜜瓜豆腐花，本來友人晚飯食得好飽唔想食糖水，後尾事蛋叫左呢個黎食．點知一食即大讚話哈蜜瓜好清甜好好味，結果唔洗兩三下手勢食晒！我今次就叫左栗子茸，雖然佢話就話係熱，好彩黎到果陣其實係暖姐，唔會熱到擺唔到落口，食落又有好香栗子味，質地岩岩好唔會太稀，好味呀!另外仲叫左個芒果糯米卷，依照足料好味，皮薄餡靚，芒果又唔酸！個人覺得發記好食過滿記多多聲，真係一試就愛上，正！