百味鮮辣蟹專門店 (已結業)

呢間餐廳係hku附近，聽聞呢到d蟹相當唔錯，平時都好多學生同街坊過去食~今次去到就試左其他小菜，一試果然盛名之下無虛士，樣樣都咁出色~杞子豬潤浸菜芯，必須讚既係上枱時豬潤係全熟的 ，一d血水都冇，而且唔會過熟煮到硬曬。個湯既味道都唔錯，係精華所在，可以就咁飲/做泡飯~值得一提既係多數菜芯都唔適合係夏天食，但呢到d菜芯一d都唔韌，值得推薦👍薑蔥霸王雞，其實廣東人做雞有好多方法， 呢款用薑蔥鋪面既都好常見。但係呢間舖頭選材感覺唔錯，雞肉又滑又新鮮，起左大部分骨食落啖啖都係肉咁濟，又幾彈牙。葱同辣椒等配料亦增添唔少香味，好正👍