影片
更多
2016-10-26
155 浏览
早排去尖沙咀食飯，發掘到一間好高質好好味既越南餐廳，真係好難得可以係香港揾到一間每一道菜都好味既越南菜，價錢經濟又合理。而且餐廳位置相當方便，地鐵出口一出就會見到。menu上既食物款式非常之多，我地揀食咩都揀左一段時間，最後一行4人點左好幾款特色食物。大娘蒸粉包（$88）新鮮蒸好熱辣辣，豬肉同埋蝦餡料塞到滿一滿，粉皮又夠曬薄，推介。越式炸春捲（$68）呢個春捲炸得香脆得黎唔算油膩，入面既餡料同樣飽滿而且調味岩岩好，包埋生菜食既話仲清新好味。咖喱牛腩（$98）牛腩非常入味軟淋，咖喱都非常濃，辣度岩岩好不過如果咖喱可以再濃稠少少既話相信整體味道會有所提升。火車頭（$88）分量驚人既火車頭，建議3-4個人share如果2個人食既話就無胃口食其他野，呢個係另一個必點，湯底非常鮮甜，而且材料豐富，分別有生牛肉，牛丸，牛筋，牛腩，牛百葉等等，非常滿足。燒乳豬（$238）呢個乳豬真係皮脆肉嫩，燒得十分香脆，而且入面既豬肉可以保持鮮美肉汁，又夠曬嫩滑。龍躉魚米紙卷（$88）呢到既米紙卷真係好高質，個皮好透薄又帶點煙靭，配龍躉魚呢個組合都好新鮮，可以食到龍躉魚既鮮味。燒大蝦柚子沙律（$68）開胃之選。入
真係好難得可以係香港揾到一間每一道菜都好味既越南菜，價錢經濟又合理。
而且餐廳位置相當方便，地鐵出口一出就會見到。
menu上既食物款式非常之多，我地揀食咩都揀左一段時間，最後一行4人點左好幾款特色食物。大娘蒸粉包（$88）
新鮮蒸好熱辣辣，豬肉同埋蝦餡料塞到滿一滿，粉皮又夠曬薄，推介。越式炸春捲（$68）
呢個春捲炸得香脆得黎唔算油膩，入面既餡料同樣飽滿而且調味岩岩好，
包埋生菜食既話仲清新好味。
咖喱牛腩（$98）
牛腩非常入味軟淋，咖喱都非常濃，辣度岩岩好不過如果咖喱可以再濃稠少少既話相信整體味道會有所提升。
火車頭（$88）
分量驚人既火車頭，建議3-4個人share如果2個人食既話就無胃口食其他野，
呢個係另一個必點，湯底非常鮮甜，而且材料豐富，
分別有生牛肉，牛丸，牛筋，牛腩，牛百葉等等，非常滿足。
燒乳豬（$238）
呢個乳豬真係皮脆肉嫩，燒得十分香脆，而且入面既豬肉可以保持鮮美肉汁，又夠曬嫩滑。
龍躉魚米紙卷（$88）
呢到既米紙卷真係好高質，個皮好透薄又帶點煙靭，
配龍躉魚呢個組合都好新鮮，可以食到龍躉魚既鮮味。
燒大蝦柚子沙律（$68）
開胃之選。入面有好多新鮮爽甜既碌柚肉，配埋個特調醬汁，非常酸甜清新。
大蝦同樣都係爽脆又啖啖肉。
整體而言呢一餐非常令人滿意，所點既每一樣食物都好岩胃口，
味道都非常地道，絕對會有第二次的。
张贴
