京都薈

营业中

休息中

美孚咁多間酒樓，我哋都比較喜歡去京都薈，老爺奶奶覺得早茶抵，我老公就貪佢係舊戲院樓底好高好舒服，我就覺得有𨋢方便老人家。今日難得閒日放假同四大長老一齊飲茶，點心一般啦，叫咗籠仔班件蒸飯，d飯油咗少少，但係都幾多魚同幾好食，菜苗餃都幾快姐同隻蝦幾大呀。鹹水角皮煙韌又熱辣辣係我女女最愛。另外比較驚喜係有懷舊嘅鵪春蛋燒賣，有兒時嘅回憶。又午市食到下午茶，下午茶有特價點心都好抵食，仲有d仔寶套餐都好吸引，下次要試一試。