第三站 (已結業)

今晚同個同學上呢間野食飯，呢間野應該開左無耐，都算幾新淨。我地兩個叫左兩個餐再加甜品同個小食。鮮果沙律都算新鮮既，因為有生果係小小酸既。好肯定係新鮮切，絕唔係罐頭既貨色。我睇得出佢地係預先整好，但都好過用罐頭貨咁求其。菠菜煙肉鴨胸長通粉個汁都幾好味，忌廉味都幾夠。而長通粉整得好彈牙，唔錯。而煙肉卷鴨胸就普通，鴨胸就有小小韌。但又唔會太鹹，整得好有心機。小食拼盤都幾多野食，有雞翼、薯條、魚蛋、芝士腸、春卷、咖喱角。都唔錯既，做得好有心機，雖然係上完甜品先黎。但我地正想吹水時享用小食，呢算係錯有錯著。朱古力芝士蛋糕好重朱古力味，又有好香既芝士味。但又唔會太甜，都幾好食。紐約芝士蛋糕呢個好正，芝士味好重，食完唔會漏。香蕉奶昔雖然係好大路既飲品，但唔會太甜。而且夠香滑，正。值得一提既係，呢度有個女侍應好細心。我用唔到芝士粉，佢即刻俾過另一瓶既我。而我成日好唔小心整污糟張，佢都不厭其煩咁幫我清潔。真係值得一讚。