川巴面館 (已結業)

早排經過旺角諗住食個快嘅晚餐，所以上咗嚟試呢間川巴麵館，餐廳以自助形式購票，如果要飲品可以到隔離嘅貢茶買。蔥油稻庭烏冬，小辣。配料加咗雲吞、炸餐肉、娃娃菜、大腸。醬汁味道惹味，唔算太辣，每款配料都有大概四件幾抵食。不過大腸冇預先滷過，就咁白灼有啲失色。雞絲擔擔麵，配生菜、金錢肚、肥牛，呢款相對味道偏淡，湯底較少好容易俾麵索哂，其他配菜都不過不失。紅油抄手，同啱啱食嘅雲吞一樣，食落唔辣，一客份量都有八隻。炸雜丸拼盤。