川巴面館 (已結業)

旺角好多平價餐廳，今日同朋友去咗試一間四川麵館🌶，而家餐廳係位於一樓，要行樓梯上去，同貢茶🥤係同一個位置。可能係因為平日，冇咩人🤷🏻‍♀️，好似包場嘅感覺😆。-食之前一定、一定、一定要攪勻，食到最後發現個底有花生醬🥜，攪勻之後先會有啲擔擔麵嘅感覺。-土雞絲擔擔麵🍜(小辣🌶)($38) 賣相唔差，有青蔥、芝麻、花生做點綴。雖然話係擔擔麵，但其實似麻辣多啲。而小辣偏向麻多過辣。啲雞絲幾好食，真係有雞味，仲有啲麻油香。-土雞絲擔擔麵🍜(走辣)($38) - 同小辣果碗一樣，有青蔥、芝麻、花生做點綴，而清湯真係幾清，相對有啲淡。…查看更多

喺旺角返工已經發掘到好多平食，呢日心思思想食辣嘢，又搵到一間價錢唔貴嘅四川嘢🌶係食酸辣粉/擔擔麵嗰啲🍜而呢間川巴面館就係喺西洋菜南街街尾(姐係近住家樂坊)，嗰邊有間樓上舖嘅貢茶🍹，而🌶面館就係貢茶同一個位啦！👇🏻直入大廈會見到佢地嘅招牌餐廳比想像中闊落，👆🏻而且仲有啲位好啱女仔打卡😹😹😹其他座位基本上都係中式嘅木檯木凳👇🏻檯與檯之間亦唔會太近👍🏻👆🏻餐廳牆上面、每張檯都有餐牌👇🏻有酸辣粉、擔擔麵、烏冬、薯粉等等，每碗麵都只係28蚊到38蚊不等👍🏻平食碗麵當lunch都唔錯架～另外亦可以加配料、小食🍢不過比我發現到原來有套餐！😹仲相對抵好多！因為一碗麵＋小食＋嘢飲($30或以下)都係68蚊，如果每樣嘢散叫，加埋就超過100蚊啦😹所以套餐一定抵食好多～👇🏻貢茶餐牌我地三個人就叫咗三個餐👍🏻我呢個係土雞絲擔擔烏冬(中辣)🤔👇🏻明明開舖無耐，店員話麵賣晒，所以改烏冬🤔擔擔烏冬就無咁夾囉，不過佢個味係做得幾好，食到有啲花生味幾香，中辣黎講唔算好辣🤔雞絲就正正常常～呢個價錢係幾好架啦～👇🏻三個小食份量都算多(右上)巴蜀手撕雞🐔類似我碗啲土雞絲咁，呢個有啲辣醬、芫茜等等，所以食落幾香，雞肉亦唔鞋口(右中)紅油抄手🥣有九粒～唔太辣，抄手都大粒，皮薄肉多！(右下)小食拼盤🍢純粹見佢最貴所以先揀(單叫$46)😹無咩特別，都係炸嘢😹有條蝦、蠔、春卷等等(左)朋友食嘅酸辣粉(中辣)話幾惹味～而嘢飲就包咗30蚊或以下，多咗補返錢～呢杯荔枝烏龍啱啱好30蚊😆都有淡淡嘅茶味～…查看更多

外賣叫咗巴蜀涼伴麵加2個餸，娃娃菜$9 ，雞絲$13 ，d 餸少到眼都突，成碗麵一個女仔都食唔飽。好左送咗半隻蛋，$65碗麵，食完要食多個包先夠，真係要信Foodpanda 評分，絕對冇下次。。…查看更多

他寫的是麻辣 但根本是酸辣對我這個非常不喜歡很酸的人簡直是地獄級難食 配料雞髀菇竟然是油炸非常乾 像薑片一樣手撕雞$38 下半部分一半是青瓜和薑還有竟然是落芝麻醬 口味又夾…查看更多

黎之前睇相好似唔錯先黎一試。點知中午1點倒黎到。環境乾淨清潔，枱櫈濶落，都算坐得舒服。一入黎冷氣夠涼，但眼見繁忙時間無人黎食都覺得好奇怪，結果真係好好好一般，唔會想黎第二次。😖😖😖👎🏻呢碗金錢肚麻辣湯薯粉睇落好似好吸引，但聞落食落無嘜香味，淨係啖啖都好多油。最後都多油又無味到食唔落去，滿口油淋淋。😖😖😖呢碗擔擔面又係無嘜香味，無花生味，得色水，淨係咸咸地，十分普通。😩呢個價錢附近，真係有好多選擇。…查看更多

呢日行開兆萬見到對面樓上有間食辣麵嘅嘢，而且又有貢茶，咁攰攰地就決定去坐低食嘢。上面好似一個好細嘅food court咁樣，左邊就係川巴麵館，右邊就係貢茶。如果幫襯貢茶，咁買麵嘅時候，麵底就會有半價！ ➡️ 正宗四川擔擔麵 (小辣、牛丸、生菜) ($30) ⭐️⭐️⭐️⭐️份量超級多，上面仲有啲花生碎同埋蔥粒，成個味加埋好香，而且食落好濃郁，辣辣地好開胃。整體感覺都幾正宗，而且$30有兩餸擔擔面，認真唔錯！ ➡️ 川巴蔥油拌稻庭烏冬 (雲呑、肥牛) ($34) ⭐️⭐️⭐️💫 碗麵一擺喺面前嘅時候已經有一浸好香嘅蔥油味道，烏冬食落都彈牙，估佢唔到幾好食！ ➡️ 貢茶拿鐵咖啡 ($41) + 貢茶珍珠奶茶 ($34) ⭐️⭐️⭐️ 味道同其他分店一樣，叫左少甜都係偏甜，但價錢就比其他分店貴少少，我相信係因為呢度有提供座位，所以都尚算合理。川巴麵館地址📍: 旺角西洋菜南街2T號添置商業中心1樓.............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️…查看更多

最近一直在忙論文的事情，所以少了更新食評🤦🏻‍♂️但是已經寫完了😚所以黎緊會分享很多美食給大家，敬請期待🤗前陣子，約了一位大學好朋友出黎吹水，在旺角逛街的時候，看見一間台式茶飲店，原本只是想買杯野飲，但是發現在同一鋪頭內竟有一間麵館，所以倒不如在這裏食埋晚餐，簡簡單單👍🏻-這次介紹的餐廳是一間樓上鋪，和貢茶共用同一空間，可說是一個幾特別的crossover😍這裏的環境寬敞，休閑舒適，在我們進食的同時，可以看見有些客人在這裏傾談、傾project，溫書等等😊餐廳售賣4款面食（四川擔擔麵、麻辣薯粉、蔥油拌稻庭烏冬和雞絲擔擔麵），之後可像車仔麵般選擇自己喜愛的餸菜，有菜又有肉揀，款式都幾多元化👍🏻-1️⃣正宗四川擔擔麵（小辣、大腸、肥牛、雲吞）$58湯汁很濃稠，小辣已令湯汁變得更有層次🤤麵條煮得不會很軟身，很彈牙😋大腸內清潔得都幾乾淨，食得安心👍🏻肥牛是普通的肥牛，不韌😋雲吞都有幾多蝦肉，唔錯👍🏻-2️⃣秘製麻辣薯粉（小辣、黑豚肉、韮菜餃、炸紮肉、生菜）$66這個麻辣薯粉的味道又酸又辣，非常開胃😋黑豚肉幾爽口、韮菜餃很飽滿、紮肉炸得香口又厚身，加多幾片生菜，有菜有肉，食得好味又健康👍🏻-3️⃣紅油抄手 $38這個紅油抄手幾抵食，因為都有10多粒雲吞🤤雲吞完全吸收哂辣油、炸蒜粒、蔥粒和芝麻粒的味道，辣得很過癮😋-4️⃣炸雜丸拼盤 $58拼盤內有魚蛋、牛丸、豬肉丸、墨魚丸和香菇貢丸，全部都炸得脆卜卜，蘸埋泰式辣醬食，很像一道佐酒小食😂…查看更多

如何回到當時～ 仲可以堂食的那時川巴麵館原來同貢茶一店二食一分為二 食客買完坐中間慢慢嘆有啲似food court feel ~整返杯貢榮先因為依家有新開張優惠～光顧貢茶飲品 可享麵底半價優惠！！好豐富嘅一餐巴蜀手撕雞麻醬青瓜秘製麻辣薯粉（肥牛，扎肉，豬腸，娃娃菜）川巴蔥油拌稻庭園烏冬（黑豚肉，墨魚丸，牛丸，生菜）真心～抵食就是任性圍起一碗四餸麵都係60蚊左右可以瘋狂加自己想食既配餸同場加送 靚靚中國風筷子一對…查看更多

早排經過旺角諗住食個快嘅晚餐，所以上咗嚟試呢間川巴麵館，餐廳以自助形式購票，如果要飲品可以到隔離嘅貢茶買。蔥油稻庭烏冬，小辣。配料加咗雲吞、炸餐肉、娃娃菜、大腸。醬汁味道惹味，唔算太辣，每款配料都有大概四件幾抵食。不過大腸冇預先滷過，就咁白灼有啲失色。雞絲擔擔麵，配生菜、金錢肚、肥牛，呢款相對味道偏淡，湯底較少好容易俾麵索哂，其他配菜都不過不失。紅油抄手，同啱啱食嘅雲吞一樣，食落唔辣，一客份量都有八隻。炸雜丸拼盤。…查看更多

疫症關係，無得返大陸食好嘢。出嚟旺角行下，比我發現有間味道好正宗嘅酸辣粉，可以唔洗企舖頭門口食，仲係一間可以坐低堂食餐廳。「秘製麻辣薯粉」口感好彈牙，好重點係個湯底夠酸夠辣，仲可以好似車仔麵咁加配料。我揀咗牛舌．大腸．溏心蛋，溏心蛋好味，半熟蛋王...流心。以為好細碗，原來份量都唔少，仲加咗個小食「手撕雞」原來底層仲有青瓜，雞絲一條骨都無，啖啖肉好味。除咗酸辣粉仲有台式飲品，加埋杯珍珠奶奶，揀直係完美配搭👍🏻…查看更多

話說經過兆萬原本想飲珍珠奶茶, 見到一間貢茶樓上舖就走咗上去. 原來呢一間係類似貢茶cafe, 一邊有枱有凳環境幾好. 跟住發現貢茶對面有一間叫川巴麵館, 同貢茶好似係聯營經營. 反正都係叫埋外賣晚餐. 我哋叫咗個麻辣薯粉同埋蔥油稻庭烏冬.跟住再加咗兩個小食分別係手撕雞同埋炸物拼盤. 首先講下個麵底先, 個麻辣薯粉幾好食, 烏冬彈口好香, 所有麵都有辣度可選擇, 不過我哋都唔敢挑戰, 只叫了小辣. 至於個小食手撕雞就非常之讚, 日式芝麻醬係手撕雞上面, 下面則是辣油配青瓜, 好清爽. 至於個小食拼盤就主要有午餐肉, 肉魚丸, 炸餃子等等配料, 味道正常,偏乾. 再加埋貢茶杯嘢, 個麵底可以有半價優惠.…查看更多

係旺角行到岀晒汗 最岩坐低飲杯野😚😚行到兆萬 見到樓上有貢茶 有得坐低飲 正呢到既奶茶比平時街鋪 貴少少 可能有得坐既原因見到有川菜食 又突然想食🙈🙈就try try佢 遲來的午餐我哋兩個都叫咗秘製麻辣薯粉我再加大腸 香菇貢丸 牛舌 韮菜餃湯底幾正 酸酸辣辣 真係有大陸既酸辣粉味但我果碗既薯粉就煮得淋左少少大腸有滷過 大細適中 入口岩岩好香菇貢丸好食 啖啖菇 貴價丸牛舌都切到好薄 韮菜餃 同我幻想有啲唔同 我以為係大大粒 好重韮菜味 佢就細細粒 新鮮包起果款 皮薄 都好食😋另外叫左2款小食 happy share吉列蠔 有4隻Wo ~ 好驚喜炸粉岩岩好 唔厚蠔唔會炸到乾晒 有汁有蠔味 擺靚少少 話係日本餐廳 都有人信涼拌雲耳好爽口 消暑一流我覺得可以酸少少 但朋友就話岩岩好…查看更多

近來鍾意咗食辣，所以就會捐窿捐罅搵辣嘢食。喺旺角行街行到咁上下有啲攰想坐下😣，見到兆萬對面嘅一樓有貢茶，同埋有間叫「川巴面館」嘅餐廳，所以就試試。上到去發現係同一集團，環境幾舒服喎，又唔太多人，簡直係旺角鬧市中嘅綠洲，好適合歇腳抖抖☺️。為食嘅我哋嚟到又即刻想食嘢😂，依到有四隻麵底揀，可以自己加餸，有啲似車仔麵。我哋一人要咗一個麵再另加小食🤣，飽到一個點！秘製麻辣薯粉($28)，配肥牛($10)、牛舌($10)同生菜($6)。餸料都唔少嘅，不過生菜索哂湯太辣食唔到🙈。紅薯粉係比較粗身同圓形，以及滑滑嗰種，即係一般酸辣粉用嗰啲？我自己一般呢個口感。碗粉味道其實都有啲似酸辣粉，而唔係純麻辣🤔。土雞絲擔擔面($38)，配墨魚丸($10)、餐肉($10)同金菇($6)。麵上面有少少手撕雞同半隻蛋，而餐肉無要到煎，但店員煎咗，仲煎得好靚添😍，而且係非常厚切。雖然話係擔擔麵，但又唔太有嗰個感覺，因為唔重花生醬味🥜。不過佢非常辣啊，我完全估唔到小辣都咁辣🌶。之但係佢個麵質幾好食，加上底部有大量我鍾意食嘅芽菜。麻醬青瓜🥒($18)，由於麵食太辣，初頭食唔出青瓜有無辣味，其實係有啲啲嘅。青瓜夠哂凍，幫手降降溫、解解辣。炸雜丸拼盤🍢($55)，總共有五款，每款有兩粒，包括牛丸、香菇丸、魚旦、豬肉丸同墨魚丸。每粒都大大粒，幾正，個人最鍾意香菇丸。由於餐廳係半自助形式，所以唔洗收加一服務費，但食完嘢要自己拎返個托盤出去啊😬～。總括嚟講，餐廳都可以一試嘅，特別係你想食辣或者你食得辣的話。不過留意番想食炸物可能要預多啲時間，呢日我哋都等咗比較耐嘅時間先有得食🙈。…查看更多

旺角上樓搵食，去左 #川巴面館 食薯粉&擔擔麵😆隔離有 #貢茶 可以飲返杯台式飲品🥤而家新開張優惠，買貢茶可享麵底半價優惠💸🔶秘制麻辣薯粉 $28配料：黑豚肉、韮菜餃、鮮冬菇非常喜愛食薯粉，呢個薯粉係好煙靱，不容易斷開的👍🏻薯粉配麻辣湯底是一流的，吸晒麻辣的味道！另外配料都好好質素，個黑豚肉香嫩，韮菜餃皮薄餡多但個鮮冬菇就麻麻地，太乾身我叫咗正常啦都唔會太辣🌶🔶土雞絲擔擔麵 $38配料：肥牛、金錢肚、金針菇好重花生味，擔擔麵係咁既味道😆麵質比較淋肥牛好味👍🏻新鮮，香濃牛味！金錢肚正常另外叫金針菇係絕配，吸晒湯底既精華，而且新鮮嫩滑🔶紅油抄手 $38都係皮薄餡多，好似雲吞咁！個醬汁辣辣地酸酸地有8粒都幾抵食🔶炸雜丸拼盤 $58入面有5款丸，有魚蛋、墨魚丸、牛丸、香菇丸、豬肉丸炸出嚟都比較乾身，如果係烚出嚟會好啲！🔶招牌奶蓋貢茶（烏龍茶） $32叫咗少甜，唔係太甜👍🏻 不過烏龍茶應該要配無糖個奶蓋好出色，貢茶代表作，必飲！.P.S.:店內半自助，可以就咁買杯貢茶就坐低傾計，環境唔錯…查看更多

今晚同朋友系旺角行完街，搵左呢間川巴麵館，靜靜地飲下貢茶食下麵，又可以傾下計既餐廳。依傢買貢茶嘅飲品，買麵食仲有半價，抵呀！店內環境坐得好舒適，亦有靚嘅打卡位。同朋友分別叫左薯粉同擔擔麵。賣相唔錯，加上佢哋嘅餐具全部獨立包裝，十分衛生！薯粉比較軟身，叫左豬大腸、金錢肚、牛肉，加上麻辣小辣湯底，同薯粉好夾。而土雞絲擔擔湯底唔太辣，雞絲好滑。小食叫左炸雜丸拼盤，夠熱又彈口，仲配搭埋泰式辣醬。另外，叫左個紅油炒手，辣辣地好開胃。整體來講，環境舒適，食物同飲品多種類又好味，不失為同朋友小聚一個好地方。…查看更多