飛達商業中心二樓嘅Outdark都開左好多年，出名有氣氛，野食好食又正宗。
留意到餐廳唔少店員都係韓國人，配上星光閃閃嘅吊燈，有d似韓式嘅路邊大排檔，好有氣氛。
餐廳都幾大，座位都好闊落。
我地就叫左烤牛肉飯卷，海鮮蔥煎餅，水冷麵 配烤豬肉，韓式香腸年糕串，同一枝星光清河燒酒。
餐廳嘅食物都係韓國人烹調，非常地道。
烤牛肉飯卷
好足料，一啖一件好滿足。
飯粒粒粒分明又飽滿，經典嘅蘿蔔絲，醃蘿蔔加上烤牛肉，紫菜亦都唔會太濕，夠新鮮好食！
海鮮蔥煎餅
份量好大份，賣相都好靚，上枱都感受到熱辣辣。外面煎得香脆，中間咬落有軟綿綿嘅口感
而且蔥夠多夠新鮮，食落爽脆，口感好有層次！ 喜歡濃味可以配埋個煎餅醬汁，惹味之餘加上大量芝麻，食落更香濃。
韓式香腸年糕串
賣相到味道都係韓國味！
表皮輕炸到脆身嘅香腸，咬落好juicy
年糕外脆肉軟，火喉啱啱好，配上韓式甜辣醬，真係超好味，必試小食！
星光清河燒酒
啱哂小酌嘅晚飯，甜甜地有氣，易入口，仲可以解下膩！
2
3
1
