勝手

营业中

休息中

想搵一間可以坐得耐啲嘅居酒屋，搵咗永光中心6樓呢一間勝手，夜晚六點開到凌晨三點，星期五六就開到凌晨五點㖭，啱晒成班人過嚟玩。入到去即刻俾佢嗰幅維港全景吸引著，佢係由四部Projector合併而成，夠晒香港feel。後邊仲有部卡拉OK可以俾你唱歌添。叫咗啲酒就梗係要小食啦，七味魚翅乾、蟹籽沙律、串燒呢啲都好啱餸酒。叫咗一客雞錦3點刺身盛合，刺身都新鮮有魚味。仲送咗一碗好濃味嘅魚湯俾我哋添。最令我驚喜係嗰一份秘製汁焼豆腐同汁燒鵝肝多士。豆腐外皮超級脆，入面就好水嫩入味。鵝肝煎得啱啱好，多士牛油味超級香。最後叫多個明太子燒飯團飽一飽肚。又叫一個燒鳳梨做甜品。此時此刻都飲飽食醉。總括嚟講食物質素都唔錯，係一個消遣嘅好地方。