一門 (已結業)

今日來到黃金廣場搵食！最近見到有朋友係呢度打卡講到啲嘢食好好食咁，吸引咗我嚟呢度試下！一門沙律，份量都幾大盆。味道帶點酸甜，面頭仲有啲紫菜碎同木魚碎，兩者味道好香，味道好好，比起出面食嘅沙律更有創意同特別！點咗刺身薄切，梅色係是令魚，配上酸酸地嘅醬汁，唔需要點豉油已經好夠味，仲可以食到原先刺身嘅鮮味～刺身盛合 7款帶子，雖然算唔上厚切，但勝在夠鮮甜！海膽甜蝦，一啲都唔腥，海膽夠多！梅色，啱啱食咗薄切，估唔到厚切又係另一番滋味！吞拿魚，魚味較濃。深海池魚同油甘魚腩，兩者油脂較重，食落有好香嘅魚油～東洋卷，係煎Pancake配鰻魚蟹子牛油果，呢個真係超推介！第二度冇得食架，用pancake嚟代替飯，包住入面嘅餡，食落有滿滿嘅餡料，真係好滿足，而且餅皮有少少甜，同餡料出奇地夾！海鮮茶碗湯，用茶壺裝住，裡面有好多海鮮，蜆、蟹肉等，將海鮮原有嘅味道都煲晒出來～大蝦海鮮飯，做法有啲似西式risotto，番茄酸酸甜甜，感覺唔會好油膩，而且仲有大蝦、蜆肉同魚子，豐富咗海鮮飯嘅質感，味道仲有所提升添！