其匠燒

营业中

休息中

藍馬商業大廈呢到好多好食既餐廳，而且位置都好近地鐵站。今次係到搵左間日式餐廳，主打串燒。入到去，環境好有日本居酒屋既感覺!燒雞皮蝦雞皮甘香脆口 , 帶有油脂香。蝦肉鮮甜彈牙，食落仲有陣炭火香，咬落去有多重口感!原條蒜蓉太陽蛋茄子呢款真係必食! 茄子口感軟綿綿，蒜香味好濃郁，非常惹味! 大蔥雞腿肉大蔥好多汁，每啖都好香，食埋鲜嫩既雞腿肉，真係一流。雞翼用左鹽燒，外皮脆內質嫩滑。大啡菇肉厚多汁，上面仲有D木魚碎，好有日式風味。芝士年糕襯熱食既時間，一咬就有爆漿芝士!清酒牛油煮蜆，蜆肉鮮甜大粒，湯都可以飲，飲落好重牛油香味同淡淡既酒味! 鰻魚炒飯好足料，每啖都有料，整體食落帶有焦香同微甜既醬汁風味，好食。