品味舫

早排疫情冇咁嚴重時，成日幾個同事一齊出去食飯，最鍾意叫番幾個小菜一齊share，呢度一個小菜客飯都係60蚊左右，大食男同事仲可以添飯，同埋有自家製涼茶飲同芒果布甸食，抵呀！
全部小菜都好有鑊氣，不得不提呢度嘅蜜椒雞翼，係呢度嘅名物，枱枱都必叫。雞翼大大隻，個皮炸到脆卜卜，入面又多肉汁，再加上黑椒嘅香同蜜糖嘅甜，真係超好食！
其他小菜都好出色，我地比較鍾意啲濃味野好送飯啲，生炒骨同魚香茄子都好有酒樓水準，但價錢平好多。