品味舫

唔好睇門面平平無奇，呢間隱世私房菜餐廳真係有料到！🍽️招牌蜜椒雞翼一試難忘，外脆內嫩、蜜香撲鼻，胡椒香氣提升層次，令人忍唔住一隻接一隻。🍗💥另外我哋都叫咗一客菠蘿咕嚕肉飯，雖然味道上無太大驚喜，但用上新鮮菠蘿，酸甜自然，感覺有誠意，整體都係過得去～🍍🐷白飯與羅漢果茶無限添飲，貼心又實在，啱晒大胃王。🍚🫖餐後仲有芒果布甸作結，清甜滑溜，為整體用餐劃上完美句號。🥭🍮夜晚主打海鮮菜式，下次一定要晚市再訪試勻晒！🦐🦀🐟…查看更多

六個老友又捐窿捐罅去搵食啦！今次泥到朗豪坊隔離嘅“朗情坊”，大廈頗殘舊，如果不是街坊或返工客，應該不會光顧了，加上食評都不多。星期五晚都好靜，成晚得3圍客人，總共15個客，真係夠晒清靜。老板娘招呼周到，冇早早趕客，值得一讚。食物方面，標榜私房菜，廚藝水準尚算不錯的，價錢都不算貴，人均消費250-300啦！蒜蓉粉絲蒸聖子，每客計80蚊一位，味道佳，但略嫌不夠熱辣辣。豉汁蒸白鱔，好新鮮，魚肉彈牙，唯一缺點是墊底的豆卜硬了少許。咕嚕肉味道一般，肉質太瘦吾夠鬆軟，欠汁OK的。蜜餞黑椒雞翼是招牌菜，冇得輸。蓮藕片炒爽肉，藕片夠爽但肉青就麻麻。腐乳炒通菜出色，夠碧綠爽脆，好味。椒鹽鮮尤咸左少少，熱辣辣。欖菜肉碎炒飯好大碟，幾香也惹味的。整體小菜水準不錯啦！有住家feel，會再幫襯的。…查看更多

🌞環境地點好近旺角朗豪坊，餐廳好少宣傳，係附近工作一個介紹一個既穩世私房菜，環境裝修偏舊式，整體都乾淨企理。🪄食物👍🏻蜜椒雞翼餐 $75一共有六隻，雞翼大大隻好多肉，面層布滿密糖黑椒汁，但同時保持到每隻雞皮脆口。👌🏻蝦仁炒蛋/菠蘿咕嚕肉/土魷蒸肉餅中規中矩，味道不錯有煮家菜味道。😍服務一到就會每人一杯消暑飲品，當天係涼茶羅漢果夏枯草，可以免費添飲，食完就會上甜品，差不多每天都是芒果布甸。…查看更多

這次是第四次食。今次印象太差！當天中午打電話去訂枱及揀餐，揀咗套餐B ，因為朋友不吃咕嚕肉，所以打電話店員將咕嚕肉改成蒸聖子，需要加$150！另外問店員亦說可以在店內切蛋糕，但並沒有說要收切餅費！7:30準時去到餐廳，見到原來套餐餐牌已改，套餐已沒有咕嚕肉，但在訂枱的時候沒有告知，同朋友食到大約8:30的時候，店員已經俾說話我哋聽叫我哋食快啲，到9:15的時候店員走過來說你哋仲有蛋糕要切，叫我哋預返時間，佢一次又一次同我哋講佢收10點，到大約9:45的時候我們切蛋糕，我好有禮貌地問店員食唔食，俾佢冇禮貌拒絕。一到10點準時趕我哋走。到買單嘅時候見到張單收咗$20切餅費，收切餅費必須要先通知客人！這次生日非常不愉快！埋單價錢$1500三人，其實仲有好多選擇！現在是俾錢買難受！永遠不會再去！也不推薦！…查看更多

朋友介紹呢間隱世餐廳。一試之下真係令人好掛住🥰呀個雞翼好得呀。一入口會試到佢嘅蜜汁，咬落去好多肉汁，煮得啱啱好，啲肉好滑溜唔老。粉絲蒸蟶子，好味嘅關鍵就係新鮮。佢嘅鮮甜係令人好難忘，粉絲索埋啲汁好正。最欣賞嘅係佢嘅鼓汁蒸白蟮，好新鮮。食得出肉地彈牙，有鮮味，啲汁撈飯食一流。再加埋勁索汁嘅豆卜，呢個配搭真係食多碗飯都得呀。估唔到呢間鋪頭咁貼心，飯後仲有甜品食，真係令到成餐飯好完整呀。成餐飯食得好開心自在，好有屋企食飯嘅感覺。…查看更多

喺旺角朗晴坊六樓有一間叫「嚐味舫」嘅私房菜餐廳，佢哋嘅豉椒蒸白鱔，蜜糖雞翼，口水雞都係佢哋嘅招牌菜！呢間餐廳交通好方便，裝潢簡單但係菜式質素唔錯，食完一次就會念念不忘。蜜糖雞翼好大隻，鮮甜爽脆，一份有六隻，好飽。外皮焦脆，味道甜蜜，好啖。口水雞都好正，豉椒蒸白鱔都好好食，鱔肉鮮嫩，加埋豉椒香味，味道更加濃郁。最後一定要試下佢哋嘅芒果布甸，好爽滑，甜味啱啱好，作為結尾最好唔過啦。佢哋嘅私房菜同服務質量都非常出色，人均消費大概HK$250（晚餐）。佢哋嘅餐點份量十足，好啱同朋友或者家人一齊去分享。總之，「嚐味舫」真係一間值得一試嘅私房菜餐廳。如果你想食高質素嘅私房菜，「嚐味舫」應該係唔錯嘅選擇啦！…查看更多

如果同屋企人黎到旺角想食中菜呢間真係好極力推薦坐得舒服又唔會人多好約束 私房菜已經黎左好多次 雖然佢既招牌菜係海鮮 但佢既蜜糖雞翼都勁好食 又脆又多肉 真係未見過咁大隻雞翼 真係次次都會叫仲會特登黎食佢既雞翼當日仲叫左羊腩煲、豉椒蒸鯇魚 鯇魚 - 都係勁多肉 脹卜卜 醬料做到好野味 開胃羊腩煲 - 少少蘇 （本身唔食羊肉）但d肉勁入味 裏面既支竹 配料都好好味全部賣相都勁吸引啦！！食完仲會有甜品布甸 第一次叫唔知會有 bonus 好完滿一個中菜…查看更多

早排疫情冇咁嚴重時，成日幾個同事一齊出去食飯，最鍾意叫番幾個小菜一齊share，呢度一個小菜客飯都係60蚊左右，大食男同事仲可以添飯，同埋有自家製涼茶飲同芒果布甸食，抵呀！全部小菜都好有鑊氣，不得不提呢度嘅蜜椒雞翼，係呢度嘅名物，枱枱都必叫。雞翼大大隻，個皮炸到脆卜卜，入面又多肉汁，再加上黑椒嘅香同蜜糖嘅甜，真係超好食！其他小菜都好出色，我地比較鍾意啲濃味野好送飯啲，生炒骨同魚香茄子都好有酒樓水準，但價錢平好多。…查看更多

朋友食過一次話好好食今日我就第一次黎哇！嚇我一跳，第一次見服務態度咁好既餐廳真心！明明佢幫你倒涼茶，你講「多謝」，佢話：「應該既應該既，再需要，再叫我倒比你」^^仲會成日黎睇我地夠唔夠飯，要唔要添飯，添涼茶仲有啲野食好好食，好有穫氣！好正！啲肉好入味，而且同啲菜都好正Good!…查看更多

環境係樓上鋪，台同台之間隔好遠，私隱度十足，又唔洗講野咁大聲。三個人叫左三個小菜，蜜糖雞翼必食，外脆內軟，雞翼都大大隻，個質地好似生炸雞髀咁，全香港應該無雞批可以整到咁。再叫多個菜，蒸埋白鱔片，好鮮甜，三個人叫三個小菜岩岩好，仲送埋糖水。好滿足。…查看更多

三年前，在旺角上班的時候，幾乎天天都在這裏吃午飯。沒疫情之前，lunch時間要早啲到，吾系實要等位。今日就來懷念一下當年的味道。lunch：叫餸食飯，白飯任裝，仲有飯後甜品送😍明明招牌寫住嚐味舫，唔知點解我OpenRice變咗品味舫😅😂招牌蜜椒雞翼，必食煎到外皮又脆又甜，鎖住雞翼內裏的肉汁，加上加上黑胡椒的香味，餸飯正。豉汁蒸白鱔先申明，我一向不吃像蛇的物體，而且覺得鱔系多骨，更加不會食。但這道菜改變了我對白鱔的看法。無骨而且肉質很滑很香，細細舊，又易食。難怪我朋友一定要叫這道菜蝦醬通菜爽肉肉係用咗豬頸肉去炒，不錯👍🏻通菜就正正常常冇乜特別朋友話餐後的芒果🥭布甸為這午餐畫上完美的句號如果甜品可以買，我應該會買半打返屋企慢慢食。總結：如果在旺角返工的朋友仔，絕對可以去試吓呢一間，包冇介紹錯…查看更多