Little Fresh Cafe & Bar (已結業)

銅鑼灣揾食唔難，但要揾一間方便又舒適，食物有水準嘅就要花一點功夫啦。小店位於地鐵站附近，旺中帶靜，簡約裝修，乾淨企理。是日餐湯洋蔥湯，湯底濃郁，除左洋蔥嘅甜味，仲加左少少牛肉，甜而不膩。伴碟嘅麵包暖笠笠，烤得外脆內軟，非常出色。田園沙律，清新翠綠。飛驒和牛漢堡漢堡包表面烤過，好軟熟。中間嘅和牛牛味唔算突出，夠jucy.加上流心蛋，生菜，令漢堡口感更豐富。伴碟嘅蔬菜輕輕煎過，都很可口。雞肉拿破崙意粉外觀上好似蕃茄醬意粉，但比蕃茄意粉帶多點甜味，少了酸味，加上粒粒蕃茄肉，層次更好。意粉有咬感，掛汁做得相當唔錯。仲有size適中嘅雞肉，增添了肉香味，成功打開了味蕾。飲品揀左水蜜桃薄荷梳打同橙汁，為晚餐添上完美嘅句號。食物有水準，服務殷勤好客，讓我地過左個輕鬆愉快嘅晚上。