S2 鐵板燒 (已結業)

喜愛鉄板燒的原因有許多，其中一個是可近距離欣賞大厨在面前"表演"，如果表演的是大師級的話，就更加是味蕾與視覺的饗宴！早在中環半山開業的樂師傅，打造巨型海膽杯已覺驚爲天人，最近經朋友通知，原來樂師傅已靜悄悄在佐敦開了鉄板燒，咁就相約一起去捧場。小店地方雅致，好有和式風情，掌廚嘅樂師傅就在鉄板前獻技……手起刀落，兩秒剝蝦殼除蝦腸切蝦頭，睇到差D拍手掌……今晚點咗熊本A5和牛，肉質油脂分布平均，美國薄燒牛包葱蒜，生D食最有口感、貴妃蚌鮮甜煙韌，蒜泥混和滋滋響，美味㗎喱！龍蝦原隻切件，睇住佢由青緑變鮮紅，隨即送入口中，果種感覺好奇妙。個人推介白鱔、銀鱈魚爲必食必點。前者用工具壓平嚟煎，食落皮脆肉香，後者肉嫩爽滑，盤底西京燒醬汁用火槍炙香，別有一番滋味！仲有紙包蜆湯、活象拔蚌、鉄板大蜆、十豚黑豚、黑松露蛋炒飯、刺身三食、豆腐沙律、炒雜菜等即炒即上，縮短了廚房出菜至廳房的距離，享受了一場日式盛宴鉄板燒！😎