小嵐山 (已結業)

通常我會寫食評既，一：係已經去第二次，二：係第1次食太難食...咁今次就係前者~因為土地問題，已經住咗响樂富25年，記得曾經响樂富出現過既一間日食，都係有個"嵐"字(前面加個50)，當然...質素係令人沮喪，然後呢十幾年都未出現過類似嘅日本菜喇。。一行四人嚟到，環境係寬敞舒適既~先嚟一個蔥吞拿魚+海膽+三文魚籽壽司，紫菜脆卜卜、海膽同吞拿魚都夠新鮮；重點嚟啦~嵐山八品刺身盛+活赤貝，個人對赤貝好感度10分，每款魚刺身都好厚身，啖啖魚好滿足，特別鮮味既係劍魚腩同甘魚，鐘意食白身魚既話就啱晒~芝心軟殼蟹卷配搭都幾特別，上層有蟹膏外，中間除軟殼蟹外仲有芝士年糕，一脆一軟既口感好特別、層次夠晒豐富！雞軟骨2串都係$28，幾抵~蟹籽蟹肉沙律，蟹籽份量夠多，吸引~鐵板蒜香一口牛柳粒，腍身唔硬，油香充份，唔錯既熱食之選~咖喱黑豚豬扒手打烏冬係俾小朋友食既，佢表示豬扒厚肉香脆，咖喱汁微甜程度啱啱好~蒲燒鰻魚以呢個$68價錢嚟睇，係抵過你自己去超市買既~香得嚟又唔會太醎，啱食~最後仲叫咗個法國生蠔刺身拼盤，隻生蠔唔係肥美果隻(唔同季節品種都有影響)，所以大家要睇自己鐘意邊類型先揀好啲~但其他仲有如翡翠螺