樂天皇朝 (已結業)

今日天氣幾好happy Friday 成班朋友喺尖沙咀，決定食好啲，揀咗喺加拿分道廣場嘅樂天王朝。由於多人嘅關係我哋可以試多幾款菜式。四川水煮牛肉味道啱啱好唔太濃，叫咗小辣，其實可以食辛啲可能仲好食。唯一唔好嘅嘢就係份量唔多。另外都點左炸饅頭，真係新鮮炸出嚟，點埋煉奶超正！蒜蓉白肉，唔係平時譚仔食嗰款，裏面好似有菜嘅物體，唔太肥膩。另外有個蟹粉炒飯，味道還可以，唔太濃烈。另外亦點左一款鴨肉不過呢款就一般只係食到鹹味皮蛋豆腐呢個菜味道正常唔太特別。總體感覺唔錯值得一試！！