樂天經典 (已結業)

平時食開樂天皇朝，成日見到旁邊有另一間餐廳都係樂天集團，今日決定試呢一間食星馬菜既樂天餐廳。叫咗個燉湯先，淮山杞子鮮螺頭湯 ($188)，份量夠哂四個人一人一碗多d~ 湯飲落去好濃，好鮮甜，仲夠哂足料🤣星加坡最岀名就梗係炒螃蟹🦀️ 星洲黑胡椒螃蟹 ($468/大) 大約一斤半。一上枱已經聞到好香黑胡椒味，食落蟹肉都好重黑胡椒味，好惹味好正🤤客家豆醬蒸黃魚 ($118) 全家都鍾意食魚，所以就叫咗一條蒸黃花魚，條魚好大條好新鮮，唔點汁就咁食鮮味會仲突岀～黃金蝦球 ($155/s) 大約有6隻大蝦🍤 超級超級重鹹蛋味🥰 痴實哂係隻蝦度，鹹蛋味同蝦既味道係十分之夾！蝦係又大隻又彈牙。最後個個都食得好飽，我就自己叫咗一個楊枝甘露 ($38/每份) 芒果係真材實料，成個甜品整得好清新，仲有柚子，甜得黎帶少少酸，係最佳既飯後甜品。