樂凱撒

星期二嘅時候經過荃新天地諗住搵間餐廳食午餐 周圍行緊嘅時候見到地下有間新開嘅餐廳 抱著好奇嘅心態行咗入去 先知佢哋啱啱開業一兩個星期 亦喺深圳有好多間分店 入咗去餐廳後 服務員態度好好 會幫我倒水介紹餐食 亦推薦我好多唔同嘅特色食物 例如榴蓮披薩 牛油果奶昔 牛油果雞肉藜麥沙律等等 聽佢哋介紹完後 我按耐唔住親自體驗嘅心情 即刻將特色嘅食物都點一次 等到餐點全部上齊後 我急不可待咁開始享用 食物的美味超乎我的預想 我曾試過其他地方嘅榴蓮披薩 但從未像今次一樣俾我咁大驚喜 榴蓮十分綿滑 榴蓮味十分濃郁 餅皮都嘗得出係手打嘅餅皮 經過詢問後得知佢哋用嘅係完整一個果肉 而唔係用果泥果醬 跟住我繼續品嘗佢哋嘅牛油果奶昔 第一次品嘗到牛油果製成嘅飲品 對我嚟講係一種挑戰 一開始我並唔覺得我會鐘意呢一類嘅飲品 等到真正感受到液體流過我舌尖 我感到驚訝 原來用牛油果製成嘅飲品都可以咁好飲 牛油果嘅味道在滑進舌尖的瞬間已經散發出嚟 搭配住牛奶嘅味道 完完全全恰到好處 而法式烤三黃雞同蒲燒鰻魚嘅味道亦都恰到好處 唔會話太膩同太油 品嘗完後 我對呢間從未踏入嘅餐廳感到十分滿意 唔單指喺餐廳環境同食物嘅美味