樂凱撒

樂凱撒係荃新天地5月30日正式開業🎊，之前已經聽朋友特登去深圳食，依家終於唔使返大陸可以食到，即刻去試下，都幾爆場幾多人排隊。氣氛好好，打卡仲送蛇皮袋，消費仲送刮刮咭，有機會會贏取榴槤黃金🏆🏅🍕真果肉榴槤三劍客披薩榴槤肉真係落足料，多過一半都係榴槤芝士，好滿足，食到一絲絲果肉纖維。餅底夠薄同脆，雙重口感。🐔法式現烤三黃雞用廣東嘅三黃雞，雞肉嫩滑，皮又烤得香脆 ，咬開仲有豐富肉汁。🍣 蒲燒鰻魚披薩呢個有驚喜！鰻魚照燒汁調得啱啱好，又唔會有腥味，配Pizza有新意。🍝經典肉醬意粉 即叫即焗，性價比又高。上面有滿滿嘅芝士，肉醬都好惹味。🥗牛油果雞肉藜麥沙律材料新鮮，牛油果同埋雞肉嘅份量都好多，接近我一隻手掌，仲有藜麥同埋沙律，健身減肥一流！🥑 開心果牛油果奶昔真材實料，飲得出係用新鮮牛油果配鮮奶打出嚟，好清新，滿滿Omega3優質脂肪 。🥭 樂滿滿楊枝甘露唔好睇佢普普通通，我覺得都好正好好飲，好甜嘅芒果果香。