樂凱撒

作為榴槤控兼鐘意試美食嘅我，今次去咗樂凱撒香港首店試下「真果肉榴槤三劍客披薩」！一上枱已經聞到超濃郁榴槤香，餅底脆口，榴槤果肉好多，每一啖都好幸福1，同芝士一齊食亦好夾，榴槤迷必試之選！再點左下面幾款食物：蒲燒鰻魚披薩就充滿日式風味，鰻魚真係好肥美，配埋菠蘿，薄脆餅底同醬汁，層次感豐富，啖啖好滋味。法式現烤三黃雞（整隻）外皮烤得香脆，肉質嫩滑多汁，切開仲有肉汁流出，份量都好多，好食。經典肉醬意麵，肉醬夠香濃，芝士有拉絲效果，意粉彈牙，邪惡好味道。叫返個牛油果雞肉藜麥沙律平衡下。呢個沙律清新健康，雞肉嫩滑，藜麥同牛油果配搭得啱啱好，加埋其他新鮮蔬菜，食落好舒服。飲品方面，開心果牛油果奶昔超creamy，開心果香味突出，牛油果滑溜，飲落去好有層次感。樂滿滿楊枝甘露用料好足，大大舊芒果夠香甜，柚子清新，西米煙韌，食完一餐再飲埋呢杯飲品，大滿足。環境方面，樂凱撒裝修走簡約明亮路線，白色為主調，配埋金色椅同花卉點綴，加上座位闊落，好舒服。佢呢到仲有刮刮卡抽獎，100%中獎，頭獎仲有個黃金榴槤吊墜。噱頭滿分！樂凱撒Cafe DE Lacesar地址：荃新天地•地下G66＆G80號舖 地鐵：港鐵荃灣