榮哥廚房私房菜

营业中

休息中

最近同朋友嚟榮哥食私房菜，每道菜式都非常別致，值得向大家推介。江南百花雞（半隻）竟然諗到將蝦膠釀入雞內，雞皮炸至金黃色，香脆芬芳，蝦膠彈牙口感十足，味道豐富有層次，絕對係心機之作蟹皇瑤柱時令鮮蔬菠菜苗賣相像極了燒賣，淡淡嘅芡汁襯托出菠菜苗嘅清甜，有助解膩，值得一讚本地水耕沙律菜伴芝麻醬茶燻流心蛋伴黑魚子醬配厚切茄子作為頭盤，呢道菜除左擺盤精緻，有心思之外，味道亦有驚喜。沙律菜新鮮、乾淨，配合芝麻醬一齊食非常開胃。流心蛋食落去有濃濃嘅茶燻味，茄子雖然炸過，但唔會太油膩，配埋榮哥特別調較嘅醬汁，酸酸甜甜，同茄子特別夾椒鹽豬肺平時係出面餐廳多數見到椒鹽鮮魷，但椒鹽豬肺真係第一次食。豬肺爽口，清洗得乾淨，沒有豬嘅腥臭味，加埋椒鹽炸蒜一齊炒，味道香口原鼎海椰皇仔燉鷓鴣黑毛豚肉湯湯底非常足料，有原隻的鷓鴣、黑毛豚肉、螺肉、龍眼肉等，非常清甜，完全能飲到各材料的甜味。他鄉炒米絲食到好飽再上米粉，原本都唔太想食，因為太飽，點知最後食左兩碗。因為佢既米粉好好味，炒得乾身，一點都唔油膩的感覺。