榮哥廚房私房菜

营业中

休息中

觀塘好多地方的樓上食店都做得非常出色，種類繁多，今日同屋企人一行四人來到官塘工業中心三期《榮哥私房菜》。私房菜唔係間間好食，係朋友食過好食，所以有信心。菜單-嘗味(4位)【前菜】每人一set三樣，本地水耕沙律菜伴芝麻醬~做得好精緻，蔬菜好新鮮，雙色墨魚仔~一咬即開夠彈牙，辣嗰隻好惹味，茶燻流心蛋拌黑魚子醬配厚切茄子~這個堅好食，流心蛋好香，厚切釀茄子輕輕炸過，配合秘製醬汁，好食到舐舐脷，仲有榮哥自家甜酸齋及雲耳，兩樣都是涼菜，好醒胃。【靚湯】圓鼎燉龍利葉青欖柑桔黑毛豚肉湯~這個湯好有益，是夏日限定，味道特別，清甜好飲，好適合炎炎夏日嘅湯水。【主菜】黑松露醬炒花尾躉班球配鮮露筍~花尾躉肉質嫩滑，黑松露醬味道唔會太濃，沒有搶去龍躉嘅鮮味，鮮露筍亦十分爽口。蝦球水芙蓉~這個是一人一個，顏色漂亮，蒸蛋白淋滿甘筍汁，大蝦球好爽好入味。蜜椒比利時杜洛克St.Louis橄欖豬肋骨~產地特別，豬肋骨肉質有口感但唔韌。招牌茶王燻雞~上菜時已經聞到香噴噴茶燻味，雞皮卜卜脆，雞肉嫩滑，好正！米王有機時令鮮蔬~有趣，有米的菜，浸住嫩綠嘅菠菜是米漿湯底，入口好清新。他鄉炒米絲(24個月西班牙黑毛豬火腿配福建蒲田