夢の丼 (已結業)

屯馬綫開通左一段日子，好耐都無去長沙灣個頭啦，於是今日同朋友去左果頭食下飯咁。好多店都慢慢換緊，見到一間日本料理好鬼吸引，一於幫襯下先！入到去地方寬敞，座位都好舒服，店員服務態度好好，詳細介紹有咩主打！打開餐單，除左壽司，刺身，小食之外，餐廳主打各式刺身飯丼，淨賣相都好吸引！事不宜遲，馬上落單先！朋友叫左花錦魚生丼材料勁豐富，有唔同雜錦魚刺身，有三文魚，三文魚子，蜆肉，蟹膏，加埋隻生雞蛋，撈埋一齊，啲飯醬汁師傅特別調製，味道一流！而我就叫左招牌菜，夢之丼！除左三文魚，牡丹蝦同埋帆立貝勁多肉，勁厚身，勁有鮮味！慢煮鮑魚配肝醬好鮮，肉質勁煙韌，咬落去唔會太實，有口感！磯燒北海道珍寶帆立貝燒到勁香，肉一樣勁厚，肉質紮實，鮮嫩多汁！右口魚邊壽司魚片燒得勁香，飯加左秘製醬汁，香濃可口！石垣貝刺身入口個種鮮味十足，清脆爽口，係勁好食，勁新鮮！法國生蠔好鮮同清海水味，入口幼滑，吞落去直滑喉嚨。好有水準。總結黎講，餐廳食材非常新鮮，一分錢一分貨，非常值得大家去食！