影片
更多
2022-05-16
53 浏览
今晚嚟到位於銅鑼灣嘅街日本餐廳食Omakase，裝修如其名，一出𨋢已經見到大排棵櫻花樹🤣 打卡一流。有兩款廚房發板，我哋就嗌咗平小小嗰個（$1280），但都好夠飽。我哋被安排到坐吧枱，可以親眼目睹師傅嘅刀工。師傅既專業又健談，令個氣氛好好，我哋都食得好開心。Sake ($148) - 嚟食日本嘢又點可以唔飲番杯清酒呢？呢杯sake好純好易入口，連個sake杯都好有心思，岀面係用個裝住冰水嘅壺包住，就可以保持住個sake冰凍喇。前菜三點：南瓜煮、鮑魚、鰤魚白子南瓜腍而入味，好食到連汁我都飲埋🤣鮑魚好彈牙，仲一啲都唔韌，加上金箔更高級平時食開嘅白子都係一pat嘢，但呢個鰤魚白子食落去竟然似鵝肝！碟上有梅子、青瓜、蘿蔔、淮山、同四溝wasabi ，全部都係餐廳製作，十分高質。愛女魚 - 個魚味道較淡，但加上了梅醬就額外清甜。北海道象拔蚌 - 師傅係你面前即場用條原隻象拔蚌切，真係好爽口新鮮。個醬汁仲係用象拔蚌個膽嚟製成，確實真材實料，仲更有鮮味。池魚王 - 呢道菜好花心思。第一塊落咗麵豉，而第二塊就落咗礦物鹽去炙燒。第一件後個味用淡味啲，而食第二件就食到好香嘅炙燒味，味道有層次感。仲有食用玫
有兩款廚房發板，我哋就嗌咗平小小嗰個（$1280），但都好夠飽。
我哋被安排到坐吧枱，可以親眼目睹師傅嘅刀工。師傅既專業又健談，令個氣氛好好，我哋都食得好開心。
Sake ($148) - 嚟食日本嘢又點可以唔飲番杯清酒呢？呢杯sake好純好易入口，連個sake杯都好有心思，岀面係用個裝住冰水嘅壺包住，就可以保持住個sake冰凍喇。
前菜三點：南瓜煮、鮑魚、鰤魚白子南瓜腍而入味，好食到連汁我都飲埋🤣
鮑魚好彈牙，仲一啲都唔韌，加上金箔更高級
平時食開嘅白子都係一pat嘢，但呢個鰤魚白子食落去竟然似鵝肝！
碟上有梅子、青瓜、蘿蔔、淮山、同四溝wasabi ，全部都係餐廳製作，十分高質。
愛女魚 - 個魚味道較淡，但加上了梅醬就額外清甜。
北海道象拔蚌 - 師傅係你面前即場用條原隻象拔蚌切，真係好爽口新鮮。個醬汁仲係用象拔蚌個膽嚟製成，確實真材實料，仲更有鮮味。
池魚王 - 呢道菜好花心思。第一塊落咗麵豉，而第二塊就落咗礦物鹽去炙燒。第一件後個味用淡味啲，而食第二件就食到好香嘅炙燒味，味道有層次感。仲有食用玫瑰花做伴碟呢～
燒帆立貝配黑魚子 - 燒過嘅帆立貝好香，但又唔會遮住其鮮味，配埋黑魚子同好脆身嘅紫菜口感更佳。個醬油係用木魚花加七味粉製成。
燒後嘅鰤魚配上鮑魚汁加七味粉，口感似食緊肥豬肉咁滑溜，但每啖都係濃郁嘅魚脂味，真係超美味。伴碟嘅係食用花，夾住嚟食就更香。
賣相一流嘅池魚粒，配上䓤同芝麻調味，味道清淡啲，就中和返之前嗰幾道菜。
中拖羅真係好肥美鮮甜，加上厚厚嘅煙燻味，估唔到除咗好睇之餘，個味道仲有昇華。配上爽口嘅長芋同煙花木又靚又好味。
舞茸菇清湯好清甜，剛好清一清口腔。
吞拿魚胶 - 由我哋一入嚟，師傅就以慢燒形式煮成。個魚皮真係燒得極脆，魚肉仲keep 到彈牙juicy而唔會燒乾，上面仲咗放淮山絲。
右口魚：左口魚就食得多，右口魚真係第一次食，但都係重魚脂味。上面係則放上右口魚邊，加上象拔蚌汁魚汗同魚味昆布，極之鮮甜。
笠子姐係石狗公，味道較清淡，配上濃郁嘅龍蝦醬麵豉，味道特別。
燒黑鱈魚 - 魚油吱晒岀嚟，魚肉仲好嫩滑，上面就放咗好香嘅黑松露,，兩者味味估唔到咁夾
八角魚都係較淡味嘅魚生，配上燒過後嘅蟹膏同芽䓤就更顯示魚嘅鮮味。
小肌魚配上牡丹蝦球嘅醬油，以鹽醃方式浸醋去浸軟啲魚骨，酸酸地咁，但一啲都唔腥。
櫻花蝦大拖羅係我最欣賞嘅一道菜，今日嘅大拖羅仲要超好高質，魚脂味爆燈但又一啲都唔漏，更加無渣。拖羅仲加咗少少蒜蓉，香到不得了！
呢個杯好吸引，有富山白蝦仔、海膽同日本紅津子魚子，白蝦子夠彈牙，海膽就鮮甜而且一啲都唔腥，而魚子就大粒同脆卜卜，口感一流。加上自己浸嘅醬油，整體無咁鹹。
魚奶湯 - 呢個有驚喜，看似普通嘅湯原來有咁濃郁嘅鮮魚味味，仲一啲都唔猩，裡面仲有菇令湯更有口感。
最後的是熊本哈密瓜，比起密瓜佢爽口啲同唔會過甜，為完美嘅晚餐畫上句號。
张贴
