妹記大排檔 (已搬遷) 新店位置

今日同同事行去尖沙咀睇戲, 點知要明天才上畫, 回公司剛好經過妹記, 之前晚飯食過幾次, 午餐就未試過, 個同事又願意陪我冒險, 一於殺落去。午餐選擇勁多, 又中又西又有公仔面餐, 一見到餐牌有蝦醬五花腩, 即時流口水, 我點我同事又點, 加杯凍檸茶都係多4元, 又唔加一, 即係打和。唔使5分鐘就到, 午餐一定要快到, 否則幾好食都係假, 大大碗白飯, 仲有湯送, 一定夠飽, 味道交足貨, 茶記水準, 腩肉亦是半肥瘦, yummy!!以後午餐就多了一個好選擇, 老闆娘午市都在, 真係鐵人, 不過有佢在場, 好似回家一樣, 妹記icon。 午市有客唔爆場, 可以好好的在尖沙咀食一餐飯, 心滿意足了。