妹記大排檔 (已結業)

好友話有飯局即刻唔駛諗又有好嘢食，就去咗係佢附近返工地方其中一間食肆開餐，點左幾款小菜一同品嚐，唔少得有啤酒一邊吃一邊飲，而且係用冰碗飲用夠氣氛輪到小菜先有呢度招牌菜之一原隻脆片炸豬手，香噴噴之餘份量十足，熱辣辣食落好香脆夠惹味，豬手肉質廋中帶點肥口感啱啱好，而味道亦好入味佐酒一流到另一係尖椒炒豬頸肉，以為食落會好辣，其實食落尖椒好香甜，豬頸肉炒得夠嫩滑又爽彈再來有金沙大蝦球，一上枱已聞到蛋黃香味，大蝦球當然被包住，入口好香濃嘅味道，蝦球又夠彈牙，食到滿口都係咸蛋黃再來有咸魚茸飛天通菜煲，通菜入口爽滑加上咸魚茸，食落更滋味，輪到最後一道餸有椒鹽九吐魚，炸得香脆內裏魚肉香滑啖啖鮮甜而且呢度上菜速度有效率，一落order 大約幾分鐘就食得，真係快快趣趣又食完一餐。