爆丼屋 (已搬遷) 新店位置

旺角嘅爆丼屋聽就聽得多，呢次正好喺禁晚市堂食之際，見到終於唔洗排隊啦，同埋佢哋依家仲做緊外賣有8折嘅優惠，咁就梗係去買返個試吓啦！四重火山盛丼：丼飯中間有座滿滿嘅吞拿魚蓉山，而飯面除左呢座吞拿魚蓉山外，仲劃分左3份，每份都均有一款名貴食材，首先出場嘅係鮮味十足，咬落會爆汁嘅三文魚籽，而另一個係嚟自北海道鮮甜無比嘅海膽，最後就係松葉蟹肉，食落每啖都有滿足幸福嘅味道。松葉蟹丼（蟹足+蟹爪二食）：呢個丼飯係冬季限定，丼飯中都有一座滿滿嘅吞拿魚蓉嘅山，上面曬上珍貴嘅黑魚子，而吞拿魚蓉山嘅周邊鋪滿左經已剝好嘅松葉蟹腳刺身，啖啖肉，見到都流哂口水，而面頭再插上大大隻嘅松葉蟹爪。味道方面係非常之鮮甜，而蟹味好濃郁，令人回味無窮。