影片
更多
2021-04-24
123 浏览
今晚星期五要去慶祝下又一個星期嘅完結！我預早book左呢個燒烤嘅餐廳，入面裝修好新淨好乾淨，佢就有分室內同室外，我哋驚好大煙就坐左係室外。好快職員就拎左幾碟前菜，醬料同生菜上枱，肚餓嘅我哋忍唔住食左先，樣樣都好高質，食完想再食，不過都要留肚食今晚嘅主菜。我哋叫左一個擔擔味噌茄子前菜，三碟燒烤包括和牛牛舌二食，韓式豬腸同原隻濟洲八爪魚，另外加左個韓牛泡菜炒飯。個前菜都好大份，條條茄子都沾滿醬汁，食落酸酸甜甜好開胃。而燒烤嘅野食都好快上枱，個八爪魚成隻上好驚喜，大隻到要職員幫手燒先得，職員好熟手咁幫我哋燒好左，剪好細細份，食落好爽口彈牙，唔係過老，好食。而個牛舌同豬腸都好好食，牛有牛味，豬腸就好爽口又好好咬。配埋菜，點埋醬汁，好好食。最後個炒飯係勁大碟，韓牛都唔少，用泡菜炒係特別地好食，勁開胃！另外我哋都要左兩杯飲品，有菠蘿梳打同百香果蜜桃梳打。食燒烤就一定要配飲品先到爽，仲有生果片食到，好正。最後口痕痕忍唔住叫左個雞蛋蛋糕當甜品，仲有蜜糖係上面，食落甜甜地，好快就清晒。好滿足咁圓滿左我個星期五！
我哋叫左一個擔擔味噌茄子前菜，三碟燒烤包括和牛牛舌二食，韓式豬腸同原隻濟洲八爪魚，另外加左個韓牛泡菜炒飯。個前菜都好大份，條條茄子都沾滿醬汁，食落酸酸甜甜好開胃。而燒烤嘅野食都好快上枱，個八爪魚成隻上好驚喜，大隻到要職員幫手燒先得，職員好熟手咁幫我哋燒好左，剪好細細份，食落好爽口彈牙，唔係過老，好食。而個牛舌同豬腸都好好食，牛有牛味，豬腸就好爽口又好好咬。配埋菜，點埋醬汁，好好食。最後個炒飯係勁大碟，韓牛都唔少，用泡菜炒係特別地好食，勁開胃！
另外我哋都要左兩杯飲品，有菠蘿梳打同百香果蜜桃梳打。食燒烤就一定要配飲品先到爽，仲有生果片食到，好正。最後口痕痕忍唔住叫左個雞蛋蛋糕當甜品，仲有蜜糖係上面，食落甜甜地，好快就清晒。好滿足咁圓滿左我個星期五！
张贴
