Explore Kitchen (已結業)

見哩間explore kitchen在openrice咁多like, 我哋2 人專程去lunch。 入到去坐低睇Menu, 價錢都好抵食，但唔夠1min已有職員問落乜嘢， 我哋話諗緊。 過多1 min 又走來問， 食餐飯啫好似比老細卒交功課咁大壓力。 之後諗好左叫職員來，另一個職員已經拿左包和餐湯過來， 我哋都未叫野，不過無所謂啦照放低， 我哋好禮貌問可唔可以落單。 佢話可以，然後問我哋知唔知1 個鐘就一定要走。 我哋話唔知喎，佢話咁你哋決定食唔食， 咁我話你都上左包和湯喎，佢話無所謂，咁我哋咪離開， 行遠2 步聽到個職員話痴綫，擺明係鬧緊我哋。 哩間野職員咁無禮貌，個場又唔係full哂又無人等緊位，都唔知咁緊張做咩，我哋情願食快餐店都唔會幫襯佢。