Amour Corner (已結業)

用咗Open Rice好耐，今次第一次打食評。因為呢間餐廳實在令我太失望。今日七點幾到達餐廳，侍應表示要大約八點半先有位。喺附近行咗一陣大概8點7 8返到餐廳，職員表示有張枱埋緊單，需要再等一陣。大概九點鐘先入到餐廳裏面，入咗之後即刻叫嘢食。大概等左10幾分鐘，前菜、湯、沙律同飲品都黎齊晒。但係等左好耐主菜都黎，於是追問咗男侍應一次。再隔咗一陣，另一個女侍應拎左兩碟牛柳出嚟，我諗住我諗住點都有一碟係我哋張枱架啦。但竟然兩碟牛柳都拎咗比兩張俾我哋更遲入座嘅客人，於是再追問女侍應，佢哋依然唔承認自己係漏單，只係話因為客人太多所以要等耐一啲。最後10點幾先至上齊主菜，而當時俾我哋更遲入咗嘅客人已經食完差唔多準備埋單。平心而論，餐廳嘅食物質素OK。侍應最後亦主動送咗心太軟同埋全單打咗八折俾我哋。但係奉勸大家一句，如果你冇如果你好肚餓或者冇兩三個鐘頭時間就請你唔好嚟呢間餐廳。