🔸平民價錢 🍖 感受舌尖上的肉魅
🔸即融口感 🤤🤤🤤 令人難以忘懷
COVID時期火紅嘅<肉屋>喺尖沙咀開咗實體餐廳 🤩 即時Book位去朝聖！！！二人行叫左兩個餐分別係：
➡️ 特選·薩摩牛壽喜燒 ($398)
➡️ 特上·薩摩牛壽喜燒 ($498)
兩個餐分別在於牛嘅級數同脂肪比例，特上套餐嘅牛相對脂肪比例較豐富，食感比較滑溜。
《前菜》
黑松露牛沙律、麻醬豆腐、自家製牛肉丸
《燒肉》
食完前菜會有專人為你開爐燒第一塊A5薩摩牛西冷片，西冷片相對有厚度，油脂比例亦都相對較平均。焦糖化嘅壽喜燒醬汁剛好掛上，熱騰騰嘅西冷肉片 🤩🤩🤩 沾上蘭王蛋醬 O M G！！！滑溜、無筋嘅肉片放入口腔，脂肪澎湃溢出 💦💦 厚切嘅西冷果然零舍不同 🥴 肉香四溢、絲滑口感，真係令人太幸福啦！！！ 🥹💞💞💞💞💞
而另外兩款薄切薩摩牛，各有特色。我自己偏向脂肪比例較高嘅霜降肉，享受入口即溶嘅酥軟感覺 🥴
除咗牛肉之外，其他配料都好有心思，花形嘅香菇切割別出心裁 🍄，燒豆腐亦都係剛好散發着豆香同焦嫩，令人感受到廚師嘅誠意。
隨餐會附上一碗白飯 & 漬物以供解膩之用。
《甜品》
飲飽食醉，差啲忘記咗甜品 🍧 慶幸餐廳奉上嘅係柚子葩菲，清新解膩 🍊🌿🌿
《飲品》
Drinks menu價錢十分相宜 🤑 特飲都係$38喳！貪靚打卡叫左杯 ✨星紫流砂✨，飲落似益力多梳打，而蝶豆花同石榴味就唔算唔太出位。
餐廳新裝修，店內環境十分之好舒服同好坐，好有和風嘅感覺添 🎌 而餐廳都十分之貼心，準備咗圍裙比各位食客，以防整污糟衣服。
