韓燒大叔

营业中

休息中

今日去咗旺角行街，見到近旺角地鐵站E出口有間「韓燒大叔」係食韓燒放題，午市放題價錢跟星期六日及公眾假期嘅價錢一樣都係$168，極為抵食，於是同朋友一齊上去試試。 今日我哋揀咗$168嘅午市放題，已經包含咗十多款肉類和韓式小食、而且重包埋出面嘅自助區，有多款韓式自家製嘅泡菜、多款蔬菜、雪糕和甜品，重有無限添飲嘅汽水。其實重可以加$38有埋海鮮選擇，但我哋兩個都唔係對海鮮有特別喜好，所以最後冇揀到海鮮。食物方面以烤肉為主，我哋叫咗韓式牛肋骨、韓式牛肉、美國肥牛、美國安格斯下肩胛肉、薄切牛脷、韓式豬頸肉、韓式辣豬肉等等。所有肉類嘅質數都好好，而且啲肉醃得好入味。每碟都係細細碟，唔夠可以再叫、絕對唔會浪費食物。我哋重叫埋韓式小食包括有韓式蛋卷、紫菜包飯、韓式薯仔、韓式椰菜粉絲等等。全部小食都係水準之作。