鮨石 (已結業)

神石廚師發辦🍣先付有三點，北海道瀨尿蝦天婦羅配紫蘇葉嘅炸粉漿薄而香脆，香濃嘅赤身醬油漬加上滑溜黏口嘅大和芋，配搭得宜，沖繩水雲酸味開胃，赤貝增加幾分爽口～松川鰈有兩食，魚質結實爽口，感覺清爽，炙燒嘅鰈魚邊突出返油香🔥牡丹蝦上面晶瑩透亮嘅係酸橘啫喱，底下有白玉露筍蓉，不論味道定係口感都相當豐富👍日本象拔蚌鮮甜爽脆，輕輕蘸上少許鹽食即可🧂沙甸魚磯邊卷以魚肉代替米飯，捲得扎實工整， 油香嘅沙甸魚捲住清爽嘅黃蘿蔔、芽菜，相得益彰😋瀨尿蝦香箱蟹子大葉春卷以香脆嘅春卷皮包住絲絲嘅蝦肉蟹肉，可以點埋鮟鱇魚肝沙律醬一齊食🦀昆布蒸鮑魚雖然好柔軟，但係師傅話不妨咀嚼多幾下，鮑魚肉嘅鮮甜會愈來愈出，配埋濃味嘅醋味噌鮑魚肝醬又係另一番風味，之後仲可以用飯送埋淨低嘅肝醬，完美清碟🍚第一次食到中拖羅多士，十分創新，師傅豪爽地用上一大塊中拖羅，外皮金黃香脆，中拖羅中央仍然呈粉紅色，咬落肉質細緻多汁，多士亦烘得非常脆，畫龍點睛🥪跟住去到壽司部分🍣墨魚甘香糯口金目鯛色澤亮麗，油脂適中👍池魚魚味較濃，配上蔥蓉梭子魚的魚皮炙燒後香氣十足，上面有柚子胡椒🍋北海道櫻鱒係時令食材，貌似三文魚但更為軟滑小肌考驗師傳功力🔪赤鯥肥美而