七味黃金炸豆腐（⭐️⭐️⭐️⭐️⭐️）
未上主菜之前叫左炸豆腐當餐前小食，豆腐炸得十分香脆，重點係外面脆漿唔會過厚，薄薄一層增加香脆感。另外豆腐亦十分嫩滑，大小適中，唔會一夾就散晒，一夾一啖，好食到停唔到。
土魷蒸肉餅（⭐️⭐️⭐️⭐️⭐️）
肉餅好多地方都有，真係好食既好難搵到，但呢間餐廳就令我同朋友十分驚喜。肉餅既肉好嫩滑，而且仲好有肉汁，唔會好似其他地方咁蒸到乾柴咁。而且更難忘係肉餅好有彈性，好彈牙有嚼口，超級好吃送幾碗飯。
豆漿杞子鮮腐竹浸白菜仔（⭐️⭐️⭐️⭐️💢）
白菜仔煮得剛剛好，不會過老變得太淋，反而爽脆。配搭豆漿杞子湯底，十分清新解膩，有菜香豆香，一解其他餸菜的濃味，食得舒服！
1
老火菜乾煲豬肺湯（⭐️⭐️⭐️⭐️⭐️）
不得不讚呢個老火湯，飲得出真材實料無味精。唔好以為材料簡單，豬肺要清洗得無晒血水味腥味都要好多功夫，夏天時分又冷氣又爆曬，飲返啖靚既老火湯都幫到個人調和返，推薦！
~~~~~~
楚撚記大排檔(荃灣) 荃灣川龍街118號百悅坊地舖至1樓
👍出色味道
👍地點方便
👍服務周到
