影片
更多
2010-09-22
46 浏览
為哥哥餞行，爸爸特意揀左佢最喜愛既日本餐，訂位時重指名要坐 sushi bar 。去到門口我地先知稻菊最近由日本請左位壽司師傅坐鎮，師傅個名重好有形，叫＂森口勇＂先生。佢既壽司真係冇得彈，超美味しい！！！ 大家黎稻菊唔洗淨係食天婦羅架，壽司都掂到爆燈。我同屋企人食到lam lam 脷，重訂埋枱今個星期再去食過添。環境衛生：正門個陣好有禪味：感覺好平靜。 裝修簡潔，地方闊落，燈光柔和，好舒服。入面有兩間房，一間12人大房同一間4-8人既細房。餐廳重好多元化，客人可以選擇食完壽司，再去唔同角落食天婦羅同鐡板燒。我地當晚喺sushi bar 食到好飽都要去tempura bar到食返幾件鎮店之寶天婦羅先肯走。（請留意，洗手間係喺餐廳出面既。雖然遠少少，不過好大好乾淨。）服務：酒店級服務係唔同d，態度非常專業：一入到門口就幫我地收好哂d遮，重一人一條熱毛巾，好warm呀。我地坐sushi bar，所以想食乜都可以同師傅直接講，即叫即做，包保新鮮。師傅個名為＂森口勇＂，小弟就＂心口勇＂，用d唔咸唔淡既日文同森口師傅傾計。大家唔識講日文唔緊要，因為平師傅會幫我地翻譯既。Sushi bar 既所有人
環境衛生：
正門個陣好有禪味：感覺好平靜。 裝修簡潔，地方闊落，燈光柔和，好舒服。入面有兩間房，一間12人大房同一間4-8人既細房。餐廳重好多元化，客人可以選擇食完壽司，再去唔同角落食天婦羅同鐡板燒。我地當晚喺sushi bar 食到好飽都要去tempura bar到食返幾件鎮店之寶天婦羅先肯走。（請留意，洗手間係喺餐廳出面既。雖然遠少少，不過好大好乾淨。）
服務：
酒店級服務係唔同d，態度非常專業：一入到門口就幫我地收好哂d遮，重一人一條熱毛巾，好warm呀。我地坐sushi bar，所以想食乜都可以同師傅直接講，即叫即做，包保新鮮。師傅個名為＂森口勇＂，小弟就＂心口勇＂，用d唔咸唔淡既日文同森口師傅傾計。大家唔識講日文唔緊要，因為平師傅會幫我地翻譯既。Sushi bar 既所有人都好親切友善，有講有笑真係食得開心，飲得痛快。閒談間得知師傅三個禮拜前先由東京來港，重要係第一次，佢話感覺香港同東京差唔多，好容易適應，只係溝通上有少少困難，所以每次有客人用日文同佢講野時，佢都可以輕鬆好多。
味道： 色香味俱全
秋刀魚刺身：秋刀魚為季節性食物，亦係小弟既最愛，唔叫黎食真係好對唔住自己。刺身新鮮甘香嫩滑，必吃推介一。（因為叫秋刀魚刺身時唔知師傅既壽司咁得，所以小弟已經諗住星期五會叫秋刀魚壽司食）
師傅曾經喺酒店做過，佢做既壽司為＂日本風味＂，已經調好哂味，所以係唔需要點其他醬汁既。真係正到暈，大家一定要黎試下。
瀨尿蝦壽司：即叫即炸即上汁，新鮮熱辣；薄薄既皮炸到好鬆軟而且夠乾身；瀨尿蝦好爽口；甜甜既醬汁好配合件壽司；encore 推介二。
Maguro壽司，三文魚壽司：食親buffet最常見既maguro同三文魚壽司，經師傅捏幾捏，掃兩掃，當堂唔同哂，肉質比平時滑溜爽甜，口感同味道可以話係煥然一新，簡直係神來之筆；驚喜推介三。
金目鯛壽司：此乃師傅推介，為當晚最靚既魚，因為夠油身；果真如此，鮮甜甘香嫩滑；師傅推介四。
拖羅壽司：睇相都知肥美，入口即溶，簡直係齒頰留香，好細食既媽媽都要encore；一絕推介五。
帶子壽司：簡直係鮮甜無比，肉質軟滑，令人回味無窮；必吃推介六。
拖羅蘿蔔巻： 師傅特製比我地試，蘿蔔令卷物變得爽脆，味道好清甜；森口推介七。
牛肉壽司：平師傅推介，牛肉為半生熟，咬落口感不一，表面帶脆，牛肉有生滑有熟嫩，唔會太辣口，甜甜既醬汁好有teriyaki味；熟食推介八。
稻菊最出名係天婦羅，爸爸話我地幾飽都一定要試兩件，果然名不虛傳。第一樣要讚既係個tempura bar既抽油煙系統做得好好。師傅話佢地既天婦羅特別在於用芝麻油，除左帶出芝麻本身獨特既香味之外，更可以唔油膩地保存食材既原味。
蝦天婦羅：曾經有人話過＂蝦天婦羅＂同普通既＂炸蝦＂既分別係在於吸油紙上既油漬；廚功了得既師傅操刀之下，前者係應該一滴油都冇，而後者就會物盡其用，張吸油紙會油lum lum。依圖所見，我地當晚既天婦羅真係一滴油都冇，齋睇都知師傅既廚藝頂呱呱。個皮炸得又薄又鬆脆，味道香而不油，重帶出左隻蝦原有既鮮味，無可置擬既色香味俱全；稻菊必吃推介九。
生粟米：食到咁飽，當然要食返少少生果幫助消化啦。平師傅就介紹我地食左d又甜又爽既日本生粟米做甜品。嘩，嗦嗦聲，好正呀！！！季節性推介十。
抵食：
其實我地食咁多野，個價錢真係好合理架，好多信用卡都會有唔同優惠，埋單時不妨問一問。不過點解會扣左分呢：750ml或以下既開瓶費為$300；1.8L既sake就要成$500。
為左測試食物係咪可以保持水準，小弟已經約好左屋企人星期五再戰稻菊。
张贴
