棋哥燒鵝 (已結業)

棋哥燒鵝剛在尖沙咀開了分店，以後唔駛過海都可以嘆到優質靚燒鵝。餐廳裝修光猛，四處掛上美食掛晝，而且座位寬闊，一點壓迫感都冇， 坐得好自在。嚟到梗係要食燒鵝啦～我哋叫咗二人套餐，有燒鵝例牌及單拼燒味例牌，(可選擇叉燒、燒腩仔、切雞、豉油雞、熏蹄及紅腸)，到最後我同朋友揀咗叉燒。套餐包時令郊外油菜、白飯/瀬粉及米粉，餐飲可選老火靚湯或冷熱飲品。主角出場，燒鵝例牌下裝，有靚鵝脾，皮脆肉嫩，惹味十足。燒鵝配瀬粉，係我心目中最好配搭，瀬粉份量十足，湯底夠清，粉質滑溜。叉燒好優質，是瘦叉燒，一點肥膏都有，肉質腍嫩，入口香糖美味，燒烤味十足，好正!朋友話食叉燒一定要配白飯，白飯有米香，亦很軟綿，不錯。至於郊外油菜，今次是菜心， 菜梗及菜葉分開，有菜味，而且沒渣。每日老火靚湯係花生雞腳湯， 火喉十足， 湯料豐富，飲到啖啖靚湯。