影片
更多
2022-08-13
54 浏览
好耐冇食過壽喜燒。朋友今次介紹呢間喺旺角嘅日本餐廳，有日本戰國同高級食肆嘅crossover感覺，門口仲有副盔甲，都幾有氣派。我哋叫咗A5和牛壽喜燒同埋三個串燒。如果食串燒嘅話，餐廳會有個小石爐溫熱住啲串燒，完全唔使怕會凍曬唔好食。三串串燒分別有大蔥雞、牛舌同埋芝士番薯。大蔥雞有少少雞軟骨，又有少少雞肉，中間有大蔥refresh 一下，好香口。牛舌爽口得嚟又夠肉味，少少咸多多爽。芝士番薯中番薯嘅甜味同芝士都幾夾，有食甜品嘅感覺。第一次食壽喜燒會見到用埋棉花糖，店員將棉花糖放入煎鍋中，燒熱再加上壽喜燒汁，見住個棉花糖慢慢融化，就已經好期待一陣食嘅牛肉會係咩味道。點樣將牛肉燒好後，配上蛋汁，口中感覺到一團滑嘟嘟嘅肉，好多汁又有香甜嘅味道，完全係高級享受。和牛壽喜燒除咗A5和牛之外有好多嘢食，蔬菜盤上分別有娃娃菜、冬菇、金菇、鴻喜菇、豆腐、豆卜、蟹柳同獅子狗卷。每樣配料配上濃厚嘅壽喜燒汁，每種都會有唔同嘅配搭效果，相當唔錯。
我哋叫咗A5和牛壽喜燒同埋三個串燒。如果食串燒嘅話，餐廳會有個小石爐溫熱住啲串燒，完全唔使怕會凍曬唔好食。
三串串燒分別有大蔥雞、牛舌同埋芝士番薯。大蔥雞有少少雞軟骨，又有少少雞肉，中間有大蔥refresh 一下，好香口。牛舌爽口得嚟又夠肉味，少少咸多多爽。芝士番薯中番薯嘅甜味同芝士都幾夾，有食甜品嘅感覺。
第一次食壽喜燒會見到用埋棉花糖，店員將棉花糖放入煎鍋中，燒熱再加上壽喜燒汁，見住個棉花糖慢慢融化，就已經好期待一陣食嘅牛肉會係咩味道。點樣將牛肉燒好後，配上蛋汁，口中感覺到一團滑嘟嘟嘅肉，好多汁又有香甜嘅味道，完全係高級享受。
和牛壽喜燒除咗A5和牛之外有好多嘢食，蔬菜盤上分別有娃娃菜、冬菇、金菇、鴻喜菇、豆腐、豆卜、蟹柳同獅子狗卷。每樣配料配上濃厚嘅壽喜燒汁，每種都會有唔同嘅配搭效果，相當唔錯。
张贴
