影片
更多
2022-08-24
39 浏览
朋友加人工 話請我食好西 拍心口話保證我一定未食過 心諗有咩咁巴閉。。。不得不承認 我的確完全唔知旺角有個咁嘅地方 而呢間餐廳係的確隱世嘅 餐廳門口擺左一副日本武士嘅盔甲 令餐廳多左一股神秘感講返食物 呢間係一間主要食壽喜燒嘅餐廳 食物選擇唔算多 除左兩個壽喜燒嘅二人/四人餐外 仲有幾款前菜同串燒 佢餐嘅份量唔算多 不過佢可以另外再追加配菜我地order左個壽喜燒二人餐個餐包左360g鹿兒島A5黑毛和牛(約有六塊)一個野菜盒 另外仲會提供一隻蘭王蛋俾你點鍋物黎食 仲有一個預先幫你煮散左嘅烏冬俾係逐少放入個鍋度佢個壽喜燒嘅特別之處係佢首先會擺一大舊棉花糖喺個煲度 之後侍應會慢慢加入壽喜燒湯汁去煮 全程都唔需要自己落手落腳去煮 由肉至配菜都有人幫忙 佢嘅牛肉雪花非常均勻 厚度剛好 入口即溶 侍應會用佢嘅專業幫你煮 可能驚我地唔識嘢 會煮到過熟 暴殄天物🤣 食完牛肉之後佢會幫你將啲配菜一次過砌好哂落個鍋度 等佢滾起就可以慢慢食 佢嘅配菜都好新鮮 如果佢配菜入邊再加埋芋絲或者葛絲咁就perfect池啦🤤
不得不承認 我的確完全唔知旺角有個咁嘅地方 而呢間餐廳係的確隱世嘅 餐廳門口擺左一副日本武士嘅盔甲 令餐廳多左一股神秘感
講返食物 呢間係一間主要食壽喜燒嘅餐廳 食物選擇唔算多 除左兩個壽喜燒嘅二人/四人餐外 仲有幾款前菜同串燒 佢餐嘅份量唔算多 不過佢可以另外再追加配菜
我地order左個壽喜燒二人餐
個餐包左360g鹿兒島A5黑毛和牛(約有六塊)一個野菜盒 另外仲會提供一隻蘭王蛋俾你點鍋物黎食 仲有一個預先幫你煮散左嘅烏冬俾係逐少放入個鍋度
佢個壽喜燒嘅特別之處係佢首先會擺一大舊棉花糖喺個煲度 之後侍應會慢慢加入壽喜燒湯汁去煮 全程都唔需要自己落手落腳去煮 由肉至配菜都有人幫忙
佢嘅牛肉雪花非常均勻 厚度剛好 入口即溶 侍應會用佢嘅專業幫你煮 可能驚我地唔識嘢 會煮到過熟 暴殄天物🤣 食完牛肉之後佢會幫你將啲配菜一次過砌好哂落個鍋度 等佢滾起就可以慢慢食 佢嘅配菜都好新鮮 如果佢配菜入邊再加埋芋絲或者葛絲咁就perfect池啦🤤
张贴
