城八日本料理

营业中

休息中

尖沙咀本來就有好多美食，棉登徑呢帶更係集中地，係到搵美食都同尋寶一樣有趣。而今次就搵到呢間日本料理專門店，城八，專門食壽司、海鮮類嘅。正門既設計就已經好有日本料理店既風格特色，同一般餐廳好唔同。 入到去，當然要盡情咁食海鮮啦！就決定叫一個刺身拼盤，可以一次過嘗試唔同種類嘅食物。個拼盤有牡丹蝦、Toro、青魚、剝皮魚、飽魚、赤貝、金目鯛、左口、油甘魚，真係乜種類都齊晒！而我最鐘意就係金目鯛，陣味夠鮮，又夠爽口。淨係海鮮都未夠喉，再叫埋杯日本清酒嚟飲，先稱得上為享受。