牛魔 (已結業)

食神朋友帶我食好西🌸👉🏻老饕澳洲M5和牛牛板腱靚油花🤤滿口牛油香。店員話呢樣燒一面就食得喇，燒之前用牛脂拖一拖個爐就唔會癡底。👉🏻香蔥薄切牛舌7片薄切牛舌排得好靚，有碟蔥花可以一齊燒，或者燒香牛舌再加蔥花同海鹽，好爽口🤤👉🏻全天然厚切豚肉五花腩最中意燒五花腩，油脂豐富好易燒。燒到微焦再包大醬、泡菜生菜一齊食，very good。👉🏻黑松露和牛肉碎炒飯竟然有飯焦🤤牛肉比得好多，調味都啱啱好，非常香口。👉🏻煙燻蘋果木松露和牛他他煙燻過嘅牛肉有陣特別香味，撈左蛋黃同蘋果絲，甜甜地質地滑溜唔腥。👉🏻揚櫻花蝦豆腐/ 櫻花蝦煎餃兩樣開胃前菜都合格，最啱燒嘢食之前打個底。海量櫻花蝦非常香口，餃子比想像中足料。