Espuma (M88)

营业中

休息中

夜晚去飲酒之前就係蘭桂坊附近搵間餐廳食晚飯，朋友話佢平時喺灣仔lunch會食呢一間，而且質素唔錯，所以我哋就喺呢度食個happy Friday dinner。雙重芝士蟹肉薄餅$118上面鋪滿晒芝士，令人流晒口水，一拎起手嘅時候又係有芝士拉絲，啱晒我呢個芝士人，可能太多芝士嘅關係蟹肉嘅味道相對少啲，味道不錯，適合鍾意濃味嘅朋友，而且我鍾意佢個薄身餅底，麵包味好香，而且唔會油膩。Espuma nachos＄108朋友勁鍾意食nachos ，餐廳既nachos同外面嘅有少許不同，比較大快，入邊有芝士，食起嚟有唔同嘅感覺，上面仲有酸忌廉，同埋牛油果醬，係一個不錯嘅前菜。黑松露離菌闊條麵＄108呢個係我最鍾意嘅其中一道菜，一上枱已經聞到好香嘅黑松露味道，將所有醬汁撈埋一齊嘅時候，意大利粉完全給晒醬汁嘅精華，旁邊仲有幾粒蘑菇。朋友點左一杯老細最愛＄58 ,我飲左一啖，好濃嘅椰子味，仲有淡淡的酒味，甜品我哋就點咗一個棉棉夏日$78，個棉花糖引起隔離枱一陣騷動，因為個棉花糖同我哋個頭一樣咁大，我哋同佢自拍左好多張相，棉花糖下面係乳酪，早餐脆片，啫喱同埋士多啤梨，真係吸like一流嘅甜品。