Le Viet (已結業)

上次同同事嚟食佢個lunch，我叫咗個招牌飯，有豬扒有雞翼，好豐富！所以今次再嚟，重點係餐廳好寬敞，坐得好舒服。今次嚟本來想試吓佢個咖喱牛腩鍋，因為次次黎都見到勁多人食。點知我個朋友叫豬頸肉炒金邊粉，聽落勁吸引，所以我又轉呔，哈哈。好欣賞佢嘅金邊粉炒得好乾身，唔油膩，又唔會太鹹，好香口、好好食！另外叫咗杯越南咖啡，咖啡味唔算濃，但都幾滑幾香。跟住我好想介紹吓呢條香茅烏頭，雖然我唔知呢個係咩醬，但係勁提鮮，酸酸地、辣辣地，勁開胃。我哋見到枱面仲有一份party Menu，入面有啲嘢食係餐廳冇嘅，但嗌到會就有，啲嘢食都幾吸引，聖誕節可以試吓。