金記冰室 (香港仔中心3期)

营业中

休息中

梗有一間係左近，講緊嘅係呢間冰室。我經常來下午茶，因環境寛敞，價錢又平民化。今日專程來晚飯。晚餐又湯又飲品，約一百元左右，真係抵食。要了一個西冷牛扒餐，大大件，鐵板上，吱吱渣渣的，散發出油脂香。西冷牛扒肉質軟腍。黑椒汁混入了一些蒜粒，惹味十足。餐湯是羅宋湯，材料十足，濃稠，好味。另一款是香煎豬扒配沙律。豬扒炸得香口不油膩。沙律不只是薯仔，還有什果，椰果…口感豐富。記得兒時傷風時經常飲的是薑檸檬可樂，好懷念啊！一絲絲的薑，濃郁，還有檸檬清香，飲後好暖胃。