影片
更多
2022-10-30
96 浏览
一年一度老母生日，一定要好好同佢慶祝一下，揀咗一間係位於灣仔謝斐道嘅the oyster House，呢間餐廳歷史都好悠久，裝修好有格調，非常適合情侶周年紀念，慶祝生日等等嘅節目。首先我哋嗌咗個海鮮拼盤，有三款，分別係南非嘅rollex，法國嘅lambert 同cheery stone clam，呢三款都係侍應推薦我哋，所謂不時不食，所以都係聽侍應佢哋嘅推介。佢食嘅時候都有介紹我哋個次序，南非蠔相對海水味比較重，亦都係爽口。而法國嘅呢就非常之Creamy，好飽滿一啖咬落去，成個幸福味都出咗嚟。最尾個cheery stone呢就係清返之前嗰兩個嘅蠔香，個蜆清清地，為下一碟菜打開序幕。水牛芝士沙律，粒粒嘅水牛芝士配埋黑醋加車厘茄，非常之醒胃。第三名小吃，亦都係侍應大力推介嘅，西班牙pardon pepper，個椒上面配上香蒜，炒得非常之惹味。嚟啦嚟啦，開始上餐湯同主菜，餐湯我就叫咗蠔湯，媽咪就嗌咗蘑菇湯。蠔湯飲得出十分之足料，湯係用鮮蠔打爛整出嚟，蠔味相當豐富，而且好香濃。媽咪個蘑菇湯呢都係用新鮮蘑菇打爛，食得出口感非常之豐富。主菜就嗌咗個豬鞍，煎得非常之香口，厚厚嘅豬鞍切出嚟仲係粉紅色，
首先我哋嗌咗個海鮮拼盤，有三款，分別係南非嘅rollex，法國嘅lambert 同cheery stone clam，呢三款都係侍應推薦我哋，所謂不時不食，所以都係聽侍應佢哋嘅推介。佢食嘅時候都有介紹我哋個次序，南非蠔相對海水味比較重，亦都係爽口。而法國嘅呢就非常之Creamy，好飽滿一啖咬落去，成個幸福味都出咗嚟。最尾個cheery stone呢就係清返之前嗰兩個嘅蠔香，個蜆清清地，為下一碟菜打開序幕。
水牛芝士沙律，粒粒嘅水牛芝士配埋黑醋加車厘茄，非常之醒胃。
第三名小吃，亦都係侍應大力推介嘅，西班牙pardon pepper，個椒上面配上香蒜，炒得非常之惹味。
嚟啦嚟啦，開始上餐湯同主菜，餐湯我就叫咗蠔湯，媽咪就嗌咗蘑菇湯。蠔湯飲得出十分之足料，湯係用鮮蠔打爛整出嚟，蠔味相當豐富，而且好香濃。媽咪個蘑菇湯呢都係用新鮮蘑菇打爛，食得出口感非常之豐富。
主菜就嗌咗個豬鞍，煎得非常之香口，厚厚嘅豬鞍切出嚟仲係粉紅色，反映得廚師將道菜，煮得啱啱好，切出嚟仲係啖啖肉汁。
另一個就嗌咗蜆肉扁意粉，扁意粉有少少辣味亦都蜆肉嘅汁令到個意粉非常之鮮甜。
最後甜品我哋嗌左個香蕉拖肥批，香蕉配埋拖肥加cream，雖然有少少肥，但真係冇辦法抗拒，好在佢啲cream唔係好甜，連媽咪都話下次要返嚟食。
张贴
