HIKARI

門口勁chill係白色簡約設計既外型，每次經過都令我有種想入CAFE坐下嘆杯咖啡。窗口有幾個位，通常都坐左幾個人用電腦＋擺一杯飲品。門口擺左個牌寫住多款咖啡款式，今晚特登食依間。😀慢煮鹿兒島豚肉眼香草蕃茄汁馬鈴薯團子粉平時團子粉好少餐廳可以食到，所以對依款粉比較陌生，亦帶十分好奇。餐廳擺盤精緻，亦有一陣香味溢出，好吸引～豚肉眼非常厚身，切開兩邊見到肉質有少少油好Juicy～食落肉質少少咬口，口感一流。團子粉表面舖滿香草蕃茄汁，每一粒軟冧冧既「波波粉」都充滿酸酸地既汁，對我嚟講依道菜係一個好特別既食物！煎封法國油鴨髀牛肝菌意大利飯油鴨髀色澤好「令」身，望到好想拎住隻鴨髀一啖咬落去。肉身好冧，我一咬就分開左D肉絲，煎封過係特別好味，鎖住左D汁。牛肝菌意大利飯超好味，味道偏濃又香牛肝菌味。熱君度橙酒朱古力咖啡--拉花超令，而且橙酒味道好出，但配咖啡又好夾。百利甜酒朱古力咖啡--凍既朱古力咖啡本身解暑又甜甜地，再加上甜酒，我飲到好幸福既味道