烔路人

营业中

休息中

這款在葵芳廣場「烔路人」點的 杜拜開心果朱古力格仔餅，賣相相當爆炸吸睛，開心果醬瀉滿格仔餅邊緣，一咬即爆漿，絕對是為打卡而生的甜品。餐廳除了格仔餅外，同時仲有賣雞蛋仔、雞蛋仔麻薯系列、窩夫、牛角酥、肉鬆蛋糕等其他小食，令人眼花繚亂。杜拜開心果朱古力格仔餅 $554.5/5.0 🌟🌟🌟🌟✨打卡熱點 alert！今次跟開心果關注組豪食杜拜開心果朱古力格仔餅，落完單店員會俾張積分卡同號碼牌，即叫即整，落單之後等8分鐘憑號碼牌攞。就標價嚟講，感覺似買咗件格仔餅同1/3排開心果朱古力。拎上手熱辣辣，開心果朱古力有滿到漏出嚟，開心果味好夠但沒有朱古力的死甜，濃郁不膩微鹹中帶甜，咬落去仲粒粒開心果，口感豐富好有層次感，每一口都超邪惡，但超滿足！格仔餅即焗熱辣辣、外脆內軟但表面偏硬身，咬得太急可能會有啲𠝹口。見其他顧客嗰啲雞蛋仔幾吸引，下次過開嚟會幫襯試一下。