烔路人

营业中

休息中

1-6-2025（Sun）晏晝，同老公食完貓麵嘅美食後，肯定唔夠飽，我見到呢間人氣雞蛋仔／格仔餅就係隔兩個舖位，於是同老公行嚟睇，佢有雞蛋仔，格仔餅同麻糬雞蛋仔，而味道，都肯定有𠲖o家流行嘅開心果味，不過我哋唔想試，而我就想試流心奶黃雞蛋仔，不過我俾老公揀，佢揀咗$34.00伯爵麻糬雞蛋仔，我見又可加$18.00有開心果牛乳幾吸引，於是都忍唔住要，但用奶樽裝住咁玩嘢？等咗10分鐘後就有，店員話開心果牛乳要搖勻至飲。睇見樽嘢綠白色分明，真係要自己攪勻，食雞蛋仔先，佢暖暖地，味道啱啱好唔會太濃，外面脆但唔係太脆，麻糬偏腍少少，都OK嘅，而一底都唔算細份。4.5分開心果牛乳呢？我哋用飲管攪都攪唔勻，飲唔到開心果味，唯有唔飲住，拎返屋企至飲，反正如上篇貓麵食評提到，要去LEMMIE買嘢飲。點知，當我哋行完晒葵芳，我諗兩個鐘後，老公拎出嚟睇，佢自己搖勻咗。返到屋企雪住，食完晚飯拎出嚟飲，就真正飲到開心果嘅味道，佢唔係太濃，我覺得啱啱好，不過如果冇開心果粒會好啲。5分服務：唔錯嘅，聽佢叫咗啲no.冇人嚟拎後，隔一陣又會再叫返。題外話：其實佢用奶樽裝係咪gimmick？但之後我至諗到，佢哋應該覺得要

最近真係成日來葵廣，今日又係趕，嚟唔切食飯，諗住一路等車一路食 相信雞蛋仔是最好不過⋯⋯點餐前，問店員，要原味雞蛋仔等幾耐，他說: 有冇其他？我答: 沒有，他說:3分鐘，明顯地店員知道筆者真的趕時間⋯⋯之後比咗一個等候牌及一張印花咭值得一讚，原味雞蛋仔，沒有附加任何項目 真係三分鐘食得，勁！原味雞蛋仔$20~由於急趕放涼時段未夠，這點只怪筆者趕急至質感未夠脆口，但蛋味夠濃。整體來說小店的貼心，值得一讚，下次再回頭試其他。

這款在葵芳廣場「烔路人」點的 杜拜開心果朱古力格仔餅，賣相相當爆炸吸睛，開心果醬瀉滿格仔餅邊緣，一咬即爆漿，絕對是為打卡而生的甜品。餐廳除了格仔餅外，同時仲有賣雞蛋仔、雞蛋仔麻薯系列、窩夫、牛角酥、肉鬆蛋糕等其他小食，令人眼花繚亂。杜拜開心果朱古力格仔餅 $554.5/5.0 🌟🌟🌟🌟✨打卡熱點 alert！今次跟開心果關注組豪食杜拜開心果朱古力格仔餅，落完單店員會俾張積分卡同號碼牌，即叫即整，落單之後等8分鐘憑號碼牌攞。就標價嚟講，感覺似買咗件格仔餅同1/3排開心果朱古力。拎上手熱辣辣，開心果朱古力有滿到漏出嚟，開心果味好夠但沒有朱古力的死甜，濃郁不膩微鹹中帶甜，咬落去仲粒粒開心果，口感豐富好有層次感，每一口都超邪惡，但超滿足！格仔餅即焗熱辣辣、外脆內軟但表面偏硬身，咬得太急可能會有啲𠝹口。見其他顧客嗰啲雞蛋仔幾吸引，下次過開嚟會幫襯試一下。

店員做野有d甩漏不過我見廚房同收銀都好年輕各位包容下😂😂但食物係好食既 由於我係m記豬柳蛋死忠第一次食就叫左翻版mcgriddles楓糖芝士豬柳蛋格仔餅落完單等大約5分鐘就拎得幾好食 絕對可以encore不過唔太食到楓糖味如果多d楓糖就完美！另外豬柳係m記好食d呢度塊豬柳偏乾 無m記咁juicy不過整體黎講都係好食既今日葵廣食左幾間唔同既小店我覺得最值得encore係呢間烔路人！下次其實想試下佢個豬柳蛋雞蛋仔或者流心奶黃雞蛋仔都想試！

又到大食妹最愛的雞蛋仔系列，勢要試曬香港最好食雞蛋仔的大食妹個to-eat-list 永遠都擺左一堆雞蛋仔小店去列葵廣即刻ko 左一間想食好耐的雞蛋仔鋪先個menu 有成廿幾款口味的雞蛋仔任君選擇，D味唔止多到眼花繚亂，仲要勁吸引，好多系出邊都無得賣如果唔系得一個胃，真系想試番三、五底流沙奶黃雞蛋仔$35最後千挑萬選之中簡左呢個流沙奶黃雞蛋仔，叫個陣岩岩開鋪其實無咩人，都要等十鐘先有得拎每一底都即叫即做夠新鮮，拎上手真系熱辣辣雞蛋仔口感偏雞蛋糕個種軟熟，雞蛋香十足每一粒雞蛋仔mit 開都系橙黃仔，味道似奶黃月餅個種甜中帶咸的味道，真系好好食下次去葵廣再試埋其他味先

近期網上熱爆人氣王👑雞蛋仔愛食雞蛋仔既我緊係要來試一試😌第1️⃣次食,就挑選了🤤🤎咖㫵朱古力🍫雞蛋仔💛外脆內軟😳好足料濃濃咖啡味夾著朱古力🍫感覺食緊ᴍᴏᴄʜᴀ🤤一上手都係熱辣辣 浸浸咖啡味好香第2️⃣次食,就挑選了🤤🤎伯爵茶朱古力🍫雞蛋仔💛濃濃朱古力🍫夾著伯爵茶的確好食🤤雞蛋仔 外脆內軟 啖啖蛋醬撈埋朱古力好足料一上手都係熱辣辣 浸浸朱古力🍫味好香兩次去買都巧巧巧多人等住排隊😳😳足足等左10至15分鐘💨💨雖然等既時間頗長少少🤏🏻但係絕對值得等一等真心 係好食😋#我真係好鍾意食雞蛋仔🤤✌🏻✌🏻#愛食雞蛋仔的必選🤤#來葵涌商場美食廣場必食之一😌

流沙蛋黃麻薯雞蛋仔即叫即整，非常新鮮👍🏻外脆內軟，奶黃味好香濃👍🏻味道唔錯！如果個外皮可以再脆啲就好啦值得推介！不過缺點就係，買嘅人好多，要等得比較耐嘅時間。

琴日血來潮過嚟葵廣買雞蛋仔，見到條街好多人攞住呢間鋪嘅雞蛋仔，諗住試吓，叫咗一個伯爵茶加麻糬雞蛋仔過程等佐5-10分鐘吾算耐但係味道非常失望 ，已經係即刻食好快就食到啲麻糬入面有一浸油益味🫠越食啲油益味越重😭結果食佐3分1都係要掉🫠類似嘅麻糬雞蛋仔都有食過，但係唔會有呢一種油益味 而且都吾算平🫠吾會再有下次🫠🫠🫠

呢間嘅開心果格仔餅係開心果關注組力推，所以今日經過就去試吓啦。去到發現原來佢哋嘅格仔餅同埋雞蛋仔味道選擇都幾多，今次就選擇咗雙重開心果格仔餅。店員喺落單嘅時候會好細心咁問你想要脆啲定係腍啲，今次呢就選擇咗脆啲。等咗大約10分鐘就有，佢個格仔餅果然係比平時嘅脆，但係又唔會中間空心，就算放低咗一陣再食都可以保持到個脆度，呢一個真係抵讚！開心果味道都算濃，但係就比較甜啲，食咗一半就會覺得幾滯，要搵人share先至得。除咗開心果格仔餅，仲叫咗佢個開心果鮮奶，不過呢個就比較普通啲啦，飲落去冇乜開心果味，係造型上比較特別，不過雖然係奶樽造型，但係要用飲管飲，唔可以用奶嘴飲，感覺有啲無謂

主打賣呢D雞蛋仔？要等15分鐘都唔係問題，但可唔可以有心做？咁樣都交俾客人，我知如果我唔要佢一樣會比下一個客，或者掉左去浪費食物我知好多打手幫佢打文章宣傳，但我就係想警惕客人唔好盲信所有好評

又見到有杜拜開心果朱古力item今次係夾喺格仔餅入面嘅◔.̮◔✧賣相望落開心果嘅顏色好似好吸引💚但食落其實開心果味唔算好突出反而感覺上好似食緊榛子醬咁樣仲有種白朱/奶粉味…啲炒米粉絲雖然夠綠同硬提供到脆脆口感但食落其實冇開心果味ᵕ᷄≀ ̠˘᷅至於格仔餅餅皮應該係朱古力味復刻返杜拜朱古力呢個配搭但食落其實似咖啡味多啲不過都可以稱讚下格仔餅餅皮其實都算係脆而個餅身又唔會話看到乾晒仲有少少煙靭嘅感覺另外食頭幾啖諗住冇開心果碎食到中間嘅時候開始有幾粒果仁仔但係仔細睇過覺得都唔係開心果…整體欣賞佢緊跟潮流但係執行得唔唔算太好同埋$55貴過大家樂焗豬真係唔值😂

開頭見個名以為係sell生酮products 不過睇ig見係暫時停咗生酮見ig有foodies推介 6點幾去到都幾多人圍住間鋪買完個staff同我講要等18-20min 叫咗雙重開心果格仔餅($41)落單時staff仲問埋想要脆定淋~15min返返去拎已經整好放咗係度了但拎上手又唔覺熱 第一啖咬個邊係脆嘅 但之前就少硬整體個餅嘅texture同味都一般開心果醬嘅量都算ok嘅 雖然未去到爆醬嘅程度呢個價錢同waiting time應該唔太值得encore

喺葵廣要揀雞蛋仔，有好多選擇，但係自己最鍾意就係呢一間，因為佢哋嘅選擇種類真係好豐富，當然除咗雞蛋仔之外，仲可以揀夾餅，蛋糕等等，同埋佢哋嘅選擇好豐富，有肉鬆芝麻，流心蛋黃等等，全部都好創新！ 👍

最近為了朋友剛夠𝟏歲可愛嘅小ʙᴀʙʏ 👶🏻開始睇唔少童裝🌝睇中買 𝟓 歲先啱著🧦 (好吧😹我承認呢件事小癲)🪐由於襪仔太靚💗太得意💗💗我要幫朋友湊夠幾套 子母襪🧦😂🤣見到靚嘢(´▽`ʃ♡ƪ)🧠腦電波真喺好弱📉..💃🏻而不停來回葵涌廣場👀✨✨物色💸訂貨🛒取貨🛍️🛍️ʅ（´◔౪◔）ʃ去到咁遠地方🚍🚇 周圍搵食是常識吧👣繼而發現間相對較有特色賣雞蛋仔🧇格仔餅🥐💛💛₍₍₍₍ ₍₍ 小店「 烔路人 」₍₍ (ง ˘ω˘ )ว ⁾⁾⚡️💛🧇 芝士豬柳蛋雞蛋仔 $𝟒𝟐-· · · 即叫即整 🔥🔥熱辣辣，門口長期都企滿人，要等𝟏𝟎-𝟏𝟓𝐦𝐢𝐧𝐬非常基本· · · 足料又墜手 (✧≖‿ゝ≖)職員無𝐡𝐞𝐚做，單面雞蛋仔 💛 實實在在地每格都確認放有豬柳🫓 & 雞蛋🥚，放上芝士🧀再對摺 😈 超級邪惡💜💜🖤· · · 表面香脆內裏鬆軟☁️散發蛋香嘅雞蛋仔🧇 + 咸香芝士🧀 + 再撒上胡椒🧂咸甜咸甜組合🤎冇得輸💛💛· · · 價錢就相當比較貴，其實真喺自己冇辦法食晒一個🧇 𝟐𝐩𝐦食完半個，飽到連晚餐都食唔落😂😂無人一齊𝐬𝐡𝐚𝐫𝐞下次唔會再點

繼續葵廣覓食之旅🤤🤤🤤葵涌廣場2樓，每次經過都傳來陣陣香濃蛋香味，嗅覺靈敏嘅小妹我，當然要去搵下究竟何方神聖🤭沿著香味發現到有間雞蛋仔格仔餅店‘’烔路人‘’，佢地嘅雞蛋仔、格仔餅有多種口味，仲有牛角窩夫、牛角酥、蛋撻、葡撻、肉鬆蛋糕等，款式類別多。是日小妹就試左佢地嘅格仔餅 ~ 流沙奶黃格仔餅($36)，格仔餅外層香脆，充滿蛋味，中間夾住奶黃餡，咸咸甜甜，味道不錯，如果咬開後嘅奶黃餡更流沙，相信會更邪惡😆